OnePlus Pad 4 Launched: వన్ ప్లస్ (OnePlus) నుండి భారత మార్కెట్లో కొత్త ఫ్లాగ్షిప్ టాబ్లెట్ వన్ ప్లస్ ప్యాడ్ 4 (OnePlus Pad 4)ను అధికారికంగా లాంచ్ చేసింది. “Exceptional Without Exception” అనే నినాదంతో వచ్చిన ఈ డివైస్.. ఎంటర్టైన్మెంట్ అండ్ ప్రాడక్టివిటీ మధ్య గ్యాప్ను తగ్గించేలా రూపొందించబడింది.
స్లిమ్ & ప్రీమియం లుక్:
OnePlus Pad 4 అత్యంత సన్నని మెటల్ యూనిబాడీ డిజైన్తో వస్తుంది. కేవలం 5.94mm మందంతో, 672 గ్రాముల బరువుతో ఇది సులభంగా తీసుకెళ్లగలిగేలా రూపొందించారు. ఇండియాలో ఇది డునె గ్లో (బ్రాంజ్ టిటానియం లుక్), సాగె మిస్ట్ (ఫ్రాస్టెడ్ గ్రీన్) అనే రెండు స్టైలిష్ కలర్స్లో అందుబాటులో ఉంది.
పవర్ఫుల్ ప్రాసెసర్:
ఈ టాబ్లెట్లో Qualcomm Snapdragon 8 Elite Gen 5 ప్రాసెసర్ను ఉపయోగించారు. ఇది మంచి పనితీరును అందించడంతో పాటు AnTuTu స్కోర్ 4.1 మిలియన్కు పైగా సాధించింది. 8GB/12GB LPDDR5X RAM, 256GB/512GB UFS 4.1 స్టోరేజ్ ఆప్షన్లతో ఫాస్ట్ అండ్ స్మూత్ ఎక్స్పీరియన్స్ ఇస్తుంది. అలాగే క్రయో-వెలాసిటీ కూలింగ్ టెక్నాలజీ ద్వారా హీట్ను నియంత్రిస్తూ గేమింగ్ సమయంలో కూడా పనితీరు నిలకడగా ఉంటుంది.
డిస్ప్లే & ఆడియో:
ఈ కొత్త టాబ్లెట్ లో 13.2 అంగుళాల 3.4K డిస్ప్లేతో, 144Hz రిఫ్రెష్ రేట్, 1000 నిట్స్ బ్రైట్నెస్, డాల్బీ విజన్ సపోర్ట్తో అద్భుతమైన విజువల్స్ను అందిస్తుంది. 7:5 రీడ్ఫిట్ ఆస్పెక్ట్ రేషియో వల్ల బుక్ చదివిన అనుభూతి కలుగుతుంది. 8 స్పీకర్ సెటప్ (4 వూఫర్స్, 4 ట్వీటర్స్) ద్వారా సినిమాటిక్ ఆడియో ఎక్స్పీరియన్స్ లభిస్తుంది.
AI ఫీచర్లు & ప్రొడక్టివిటీ:
OxygenOS 16పై నడిచే ఈ టాబ్లెట్, AI రైటర్, AI సమ్మరీ, AI ట్రాన్సలేట్, AI పెయింటర్ వంటి ఆధునిక ఫీచర్లతో వస్తుంది. ఒకేసారి ఐదు విండోలను ఓపెన్ చేసి మల్టీటాస్కింగ్ చేయగల సామర్థ్యం ఉంది. OnePlus ఎకోసిస్టమ్లో ఫోన్తో స్క్రీన్ మిర్రరింగ్, క్లిప్బోర్డ్ షేరింగ్ వంటి ఫీచర్లు సులభంగా ఉపయోగించుకోవచ్చు.
బ్యాటరీ & కనెక్టివిటీ:
ఇందులో 13380mAh భారీ బ్యాటరీతో పాటు 67W ఫాస్ట్ చార్జింగ్ సపోర్ట్ ఉంది. Wi-Fi 7, బ్లూటూత్ 6.0 వంటి లేటెస్ట్ కనెక్టివిటీ ఫీచర్లు కూడా ఉన్నాయి. OnePlus Stylo Pro (16,000 లెవల్స్ ప్రెషర్ సెన్సిటివిటీతో), స్మార్ట్ కీబోర్డు వేర్వేరుగా అందుబాటులో ఉంటాయి. ఇవి ప్రొడక్టివిటీని మరింత పెంచుతాయి.
ధర:
OnePlus Pad 4 ధర 8GB + 256GB మోడల్కు రూ.59,999 కాగా, 12GB + 512GB మోడల్ రూ.64,999గా నిర్ణయించారు. మే 5 నుంచి వన్ ప్లస్ అధికారిక వెబ్సైట్, అమెజాన్, ఫ్లిప్కార్ట్, వన్ ప్లస్ స్టోర్లలో అందుబాటులోకి రానుంది. ఎంచుకున్న బ్యాంక్ కార్డులతో రూ.5,000 వరకు డిస్కౌంట్, 6 నెలల నో-కాస్ట్ EMI, పరిమిత కాలం వరకు ఉచితంగా OnePlus Stylo Pro కూడా అందిస్తున్నారు.