Aadhar Card : ఆధార్ కార్డు ఉందా.. అయితే మీకో గుడ్ న్యూస్

Aadhar Card : దేశంలో కోట్లాది మంది ఆధార్ కార్డ్ హోల్డర్లకు ప్రభుత్వం పెద్ద ఊరటనిచ్చింది. ఇప్పుడు ఆధార్ అప్‌డేట్ చేసుకుంటే నగదు చెల్లించాల్సిన అవసరం లేదని UIDAI తెలిపింది. UIDAI ఆధార్ అప్‌డేట్ రుసుమును మాఫీ చేసింది. అయితే, దీనికి ఒక షరతు విధించింది. మీరు ఆన్‌లైన్‌లో ఆధార్ అప్‌డేట్ ప్రక్రియను పూర్తి చేస్తే మాత్రమే. మీరు ఆధార్ అప్‌డేట్ కోసం ఎటువంటి రుసుము చెల్లించాల్సిన అవసరం లేదు. ఫిజికల్ కౌంటర్‌(బయట ఇంటర్నెట్ సెంటర్లు)లో ఆధార్ కార్డ్‌ను అప్‌డేట్ చేస్తే దాని రూ. 50 రూపాయలు చెల్లించాలి.

సదుపాయం ఎప్పుడు అందుబాటులోకి వస్తుంది?
ఆధార్ ఉన్నవారు మూడు నెలల పాటు ఈ ఉచిత ఆధార్ అప్‌డేట్ సౌకర్యాన్ని పొందవచ్చని UIDAI తెలిపింది. ఆధార్ కార్డ్ హోల్డర్లు తమ ఆధార్ కార్డ్‌ని ఆన్‌లైన్‌లో 15 మార్చి 2023 నుండి 14 జూన్ 2023 వరకు అప్‌డేట్ చేసుకోవచ్చు.

మార్చి 31లోగా పాన్, ఆధార్ లింక్ చేయడం తప్పనిసరి
ముఖ్యంగా, ఆధార్-పాన్ కార్డ్ లింక్‌కు చివరి తేదీ మార్చి 31. దీనితో పాటు, 10 సంవత్సరాలుగా ఆధార్‌లో ఎటువంటి మార్పులు చేయని వారి ఆధార్ కార్డ్‌ను అప్‌డేట్ చేయాలని UIDAI అధికారం నిరంతరం తెలియజేస్తోంది.

ఆన్‌లైన్‌లో ఆధార్ కార్డును అప్‌డేట్ చేయడానికి ఏం చేయాలి?
ఆధార్ కార్డ్ హోల్డర్‌లు వారి ఆధార్ నంబర్ https://myaadhaar.uidai.gov.in/ ద్వారా మీరు లాగిన్ చేయవచ్చు. దీని తర్వాత మీకు మీ రిజిస్టర్డ్ మొబైల్ నంబర్‌కి వన్ టైమ్ పాస్‌వర్డ్ (OTP) పంపబడుతుంది. దీని తర్వాత మీరు ‘డాక్యుమెంట్ అప్‌డేట్’పై క్లిక్ చేయాలి. అక్కడ మీ వివరాలు కనిపిస్తాయి. ఆ తర్వాత మీరు మీ అప్‌డేట్ చేసిన సమాచారాన్ని అక్కడ ఎంటర్ చేయాల్సి ఉంటుంది.

ఆన్‌లైన్‌లో ఆధార్ చిరునామాను అప్‌డేట్ చేయడానికి ఈ దశలను అనుసరించండి
1. https://myaadhaar.uidai.gov.in/ వెబ్‌సైట్‌లో మిమ్మల్ని మీరు అప్‌డేట్ చేసుకోవచ్చు. ఆధార్ సెల్ఫ్ సర్వీస్ అప్‌డేట్ పోర్టల్‌కి వెళ్లి, ‘ప్రొసీడ్ టు అప్‌డేట్ అడ్రస్’ ఆప్షన్‌పై క్లిక్ చేయండి.
2. ఆధార్ నంబర్, రిజిస్టర్డ్ మొబైల్ నంబర్, OTP ఉపయోగించి లాగిన్ చేయండి.
3. ‘ప్రొసీడ్ టు అప్‌డేట్ అడ్రస్’పై క్లిక్ చేయండి.
4. 12-అంకెల ఆధార్ నంబర్‌ను నమోదు చేసి, ‘Send OTP’పై క్లిక్ చేయండి.
5. OTPని నమోదు చేసి, ఆధార్ ఖాతాకు లాగిన్ చేయండి.
6. ‘అప్ డేట్ వయా అడ్రస్ ప్రూఫ్’ ఎంపికను ఎంచుకున్న తర్వాత కొత్త చిరునామాను పూరించండి.
7. ‘ప్రూఫ్ ఆఫ్ అడ్రస్’లో పేర్కొన్న నివాస చిరునామాను నమోదు చేయండి.
8. ఇప్పుడు, అడ్రస్ ప్రూఫ్‌గా ‘సబ్మిట్’ బటన్‌పై క్లిక్ చేయండి.
9. చిరునామా రుజువు స్కాన్ చేసిన కాపీని అప్‌లోడ్ చేసి, ‘సబ్మిట్’ బటన్‌పై క్లిక్ చేయండి.

ఆఫ్‌లైన్‌లో ఆధార్ కార్డ్‌ని ఎలా అప్‌డేట్ చేయాలి?
మీరు మీ ఆధార్ కార్డును అప్‌డేట్ చేయాలనుకుంటే, మీరు ఆధార్ కేంద్రాన్ని సందర్శించాలి. ఇక్కడ మీరు నిర్దిష్ట రుసుము చెల్లించి ఆధార్‌ను అప్‌డేట్ చేయాలి. ఆధార్‌ను అప్‌డేట్ చేయడానికి వెళ్లేటప్పుడు, మీరు ఫోటో IDని తీసుకెళ్లాలి.