NBK 109 : భారీ యాక్షన్ సీన్స్ తో మొదలు కానున్న బాలయ్య తరువాత సినిమా..?

నందమూరి నటసింహం బాలకృష్ణ ప్రస్తుతం అనిల్ రావిపూడితో చేస్తున్న భగవంత్ కేసరి సినిమా తో బిజీ గా వున్నారు. ఈ సినిమా షూటింగ్ కూడా దాదాపు చివరి దశకు చేరుకుంది. ఈ సినిమాను దసరా కానుకగా విడుదల చేయనున్నారు. ఈ సినిమాలో బాలయ్య కి జోడి గా కాజల్ అగర్వాల్ నటిస్తుంది. అలాగే శ్రీలీల బాలయ్య కూతురి పాత్రలో నటిస్తుంది. భగవంత్ కేసరి సినిమా షూటింగ్ దశలో ఉండగానే బాలయ్య తన 109వ సినిమాను తన బర్త్డే సందర్బం గా అఫిషియల్ గా ప్రకటించిన సంగతి తెలిసిందే.. ఈ సినిమాను యంగ్ డైరెక్టర్ బాబీ తెరకెక్కిస్తున్నారు.దీంతో ఈ సినిమాపై కూడా అంచనాలు భారీ గా పెరిగి పోయాయి.దర్శకుడు బాబీ ఇటీవలే మెగాస్టార్ చిరంజీవి తో వాల్తేరు వీరయ్య వంటి బ్లాక్ బస్టర్ సినిమాను తెరకెక్కించారు. ఈ సారి ఈ యంగ్ డైరెక్టర్ బాలయ్యతో కూడా ఒక పవర్ ఫుల్ సినిమా తీసి హిట్ అందుకోవాలని ఎంతో ఆసక్తి గా ఉన్నాడు. ఈ సినిమా గురించి తాజాగా ఒక క్రేజీ అప్డేట్ బయటకు వచ్చినట్లు సమాచారం.

ఈ సినిమా షూటింగ్ సంబంధించి మొదటి షెడ్యూల్ ను హైదరాబాద్ లోని సారధి స్టూడియోస్ లో స్టార్ట్ చేయనున్నారని సమాచారం. ఈ షెడ్యూల్ లో ముందుగా భారీ యాక్షన్ ఎపిసోడ్ ను షూట్ చేయనున్నారని తెలుస్తుంది.. ఈ యాక్షన్ ఎపిసోడ్ కోసం పూర్తి సెట్ ను రెడీ చేస్తున్నట్లు సమాచారం.ఈ సెటప్ మొత్తం రెండు వారాల్లో పూర్తి కానుందని ఆ తర్వాత ఆ సెట్ లో షూట్ స్టార్ట్ చేస్తారని సమాచారం. ఇక ఈ సినిమాలో బాలయ్య డ్యూయెల్ రోల్ లో నటిస్తున్నట్లు సమాచారం.తండ్రి కొడుకులుగా బాలయ్య నటించబోతున్నట్లు సమాచారం. బాలయ్య అలాంటి పాత్రలు చాలానే చేసారు. మరీ బాబీ తన సినిమాలో బాలయ్యను ఎలా చూపిస్తాడో వేచి చూడాలి..ఈ సినిమాకు కూడా థమన్ సంగీతం అందించబోతున్నారు.