నట సింహం నందమూరి బాలకృష్ణ హీరోగా నటించిన లేటెస్ట్ మూవీ భగవంత్ కేసరి ఈ సినిమా దసరా కానుక గా థియేటర్లలో విడుదల అయి అద్భుత విజయం సాధించింది.అనిల్ రావిపూడి దర్శకత్వం వహించిన ఈ చిత్రం బాక్స్ ఆఫీస్ వద్ద భారీ కలెక్షన్స్ అందుకొని బ్లాక్ బస్టర్ హిట్ ని సొంతం చేసుకుంది.భగవంత్ కేసరి హిట్ తో జోరు మీద వున్న బాలయ్య యంగ్ డైరెక్టర్ బాబీ కొల్లి దర్శకత్వంలో ఓ సినిమా చేస్తున్నారు.. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ సంస్థలు కలిపి ఈ సినిమాను నిర్మిస్తున్నాయి.త్రివిక్రమ్ సతీమణి అయిన సాయి సౌజన్య మరియు సూర్యదేవర నాగవంశీ నిర్మాతలుగా వ్యవహరిస్తున్నారు. బాలకృష్ణ సినీ కెరీర్ లో 109వ సినిమాగా ఈ చిత్రం తెరకెక్కుతున్నది…రాజకీయ నేపథ్యంలో మాస్ యాక్షన్ ఎంటర్టైనర్గా ఈ సినిమా రూపొందుతున్నట్లు సమాచారం.బాలకృష్ణ పుట్టినరోజు సందర్భంగా ఈ ఏడాది జూన్ 10న పూజా కార్యక్రమాలతో ఈ సినిమాను మేకర్స్ ప్రారంభించారు. అదే సమయంలో ఓ కాన్సెప్ట్ పోస్టర్ ను మేకర్స్ విడుదల చేశారు. గొడ్డలి, సుత్తి మరియు కత్తి సహా పలు ఆయుధాలతో ఈ పోస్టర్ ను మేకర్స్ రూపొందించారు. ‘వయలెన్స్ కి విజిటింగ్ కార్డు’ అంటూ క్యాప్షన్ ను కూడా పెట్టారు. ఈ పోస్టర్ చూసి అభిమానులు బాలయ్య నుంచి మరో పక్కా మాస్ మూవీ రాబోతోందంటూ కామెంట్స్ చేశారు.
బాలకృష్ణ మాస్ ఇమేజ్ దృష్టిలో పెట్టుకుని బాబీ అదిరిపోయే కథతో ఈ సినిమా తెరకెక్కిస్తున్నట్లు సమాచారం. ఇక ఈ మూవీ షూటింగ్ శరవేగంగా కొనసాగుతోంది. ఇప్పటికే తొలి షెడ్యూల్ షూటింగ్ కూడా కంప్లీట్ చేసుకుంది. ప్రస్తుతం రెండో షెడ్యూల్ షూటింగ్ కు చిత్ర యూనిట్ సిద్ధం అవుతోంది. తాజా షెడ్యూల్ ను ఊటీలో షూట్ చేయనున్నట్లు తెలుస్తోంది. ఈ నెల 24 నుంచి అక్కడ షూటింగ్ మొదలు కానున్నట్లు సమాచారం.. ఈ షెడ్యూల్ లో హీరోతో పాటు ముఖ్య తారాగణానికి సంబంధించిన కీలక సన్నివేశాలు చిత్రీకరించనున్నట్లు తెలుస్తోంది.
