వైవిధ్యమైన పాత్రలతో తనకంటూ ఒక ప్రత్యేక గుర్తింపు తెచ్చుకున్న నటి వరలక్ష్మి శరత్ కుమార్. ఆమె లీడ్ రోల్లో నటిస్తున్న సరికొత్త చిత్రం ‘సరస్వతి’. థమన్ సంగీతం అందిస్తున్న ఈ సినిమాపై ప్రేక్షకుల్లో మంచి అంచనాలు ఉన్నాయి. తాజాగా ఈ చిత్రానికి సంబంధించిన ఒక బిగ్ అప్డేట్ను వరలక్ష్మి సోషల్ మీడియా వేదికగా పంచుకున్నారు. ఈ సినిమాలోని ఫస్ట్ సింగిల్ను లేడీ సూపర్ స్టార్ నయనతార విడుదల చేయనున్నారు.
Also Read : #Mega158: మెగాస్టార్-బాబీ సినిమాలో బండ్ల గణేష్.. రోల్ ఏంటో తెలుసా..?
నయనతార వంటి స్టార్ హీరోయిన్ తన సినిమా పాటను లాంచ్ చేయడంపై వరలక్ష్మి ఎంతో ఎగ్జైట్మెంట్గా ఉన్నారు.. ‘మా క్వీన్ నయనతార మార్చి 1వ తేదీ ఉదయం 10:04 గంటలకు ‘సరస్వతి’ ఫస్ట్ సింగిల్ను లాంచ్ చేయబోతున్నారని చెప్పడానికి నేను చాలా సంతోషిస్తున్నాను. నా పట్ల, ఈ సినిమా పట్ల మీరు చూపిస్తున్న ప్రేమకు ధన్యవాదాలు మేడమ్’ అంటూ వరలక్ష్మి ఎమోషనల్ పోస్ట్ చేశారు. ఈ చిత్రానికి మ్యూజిక్ సెన్సేషన్ ఎస్.ఎస్. థమన్ సంగీతం అందిస్తున్నారు. ఇప్పటికే థమన్ – వరలక్ష్మి కాంబినేషన్లో వచ్చిన ‘క్రాక్’ వంటి సినిమాల పాటలు ఎంత పెద్ద హిట్ అయ్యాయో తెలిసిందే. ఇప్పుడు ‘సరస్వతి’తో మరోసారి వీరిద్దరూ మ్యాజిక్ చేయబోతున్నారని తెలుస్తోంది. నయనతార చేతుల మీదుగా విడుదల కాబోతున్న ఈ పాట సోషల్ మీడియాలో భారీ వ్యూస్ సాధించడం ఖాయమని చిత్ర బృందం ధీమా వ్యక్తం చేస్తోంది.