Naga Shaurya : ఆ సినిమా ప్లాప్ అవుతుందని అప్పుడే అర్థమైంది..

టాలీవుడ్ యంగ్ హీరో నాగశౌర్య గురించి ప్రత్యేకంగా చెప్పాల్సిన పని లేదు.తాజాగా ఈయన నటించిన సినిమా రంగబలి.ఈ సినిమాను పవన్ బాసంశెట్టి తెరకెక్కించారు.ఈ సినిమాలో యుక్తి తరేజ హీరోయిన్ గా నటించింది.ఈ సినిమా జులై 7 న ఎంతో గ్రాండ్ గా విడుదల కాబోతుంది. ఇప్పటికే విడుదల చేసిన ట్రైలర్ సినిమాపై భారీగా అంచనాలు పెంచేసింది.. ఈ సినిమా కోసం నాగశౌర్య అభిమానులు ఎంతో ఆసక్తిగా ఎదురుచూస్తున్నారు. ప్రస్తుతం చిత్ర యూనిట్ సినిమా ప్రమోషన్స్ లో ఎంతో బిజీ బిజీగా ఉన్నారు. ఈ ప్రమోషన్స్ లో భాగంగానే తాజాగా ఒక ప్రెస్ మీట్ లో పాల్గొన్న హీరో నాగశౌర్య పలు ఆసక్తికర విషయాలను తెలియజేశారు.ఈ సందర్భంగా నాగశౌర్య మాట్లాడుతూ.. నేను హీరోగా నటించిన ఒక సినిమా దారుణమైన పరాజయం అందుకుంది.

ఆ సినిమా కోసం నేను ఎంతో శ్రమించాను. బాడీ పరంగా అలాగే లుక్ పరంగా ఎన్నో మార్పులు చేసుకున్నాను. కథ చెప్పినప్పుడు భారీ సెట్స్ అలాగే ప్రముఖ నటీనటులతో ఈ సినిమా ఉంటుందని నాకు చెప్పారు. కానీ సెట్స్ లోకి అడుగుపెట్టాక అక్కడి పరిస్థితులు చెప్పినదానికి భిన్నంగా ఉన్నాయి. ఇలా అయితే సినిమా ఆడదు అని చెప్పేసాను.. మీకు ఒకవేళ ఫ్లాప్ సినిమా చేయాలని ఉంటే కచ్చితంగా చేద్దాం. కానీ ఈ సినిమా కోసం నేను ఎంతో కష్టపడ్డాను. దీనిపై ఎన్నో నమ్మకాలు పెట్టుకున్నా అది తలుచుకుంటే కొంచెం బాధగా ఉంది అని ఆ సినిమా నిర్మాతకు చెప్పేశాను. నేను నటించిన ఎన్నో సినిమాలకు వేరే వ్యక్తులు సలహాలు ఇచ్చిన సందర్భాలు కూడా ఉన్నాయి. సినిమా చిత్రీకరిస్తున్నప్పుడే కొందరు ఆ సీన్స్ లో మార్పు చేస్తే బాగుంటుంది అని సూచనలు ఇచ్చేవారు.వారి మాటలు నేను కూడా కాదనలేక అన్నింటికీ ఓకే అనేవాడిని. అలా వచ్చిన కొన్ని సినిమాలు తీవ్రంగా నిరాశ పరిచాయి అని నాగ శౌర్య తెలిపారు. ఇక అప్పటి నుంచి ఎవరి సలహాలు పాటించకూడదు అని నిర్ణయించుకున్నాను అని నాగ శార్య తెలిపారు.