Christina Joksimovich : మిస్ స్విట్జర్లాండ్ ఫైనలిస్ట్ దారుణ హత్య
Christina Joksimovich : స్విస్ మోడల్ ఆమె భర్త చేతిలో దారుణంగా హత్యకు గురైంది. మిస్ స్విట్జర్లాండ్ 2007 పోటీలో ఫైనల్స్కు చేరుకున్న మోడల్ క్రిస్టినా జోక్సిమోవిచ్ ఫిబ్రవరిలో ఆమె భర్త చేతిలో హత్య చేయబడింది. భర్త మొదట ఆమెను గొంతు కోసి చంపాడు. ఆ తర్వాత ఆమె మృతదేహాన్ని ముక్కలుగా చేసి, ఆపై ఆమె అవశేషాలను మిక్సీలో వేసి ముద్ద చేశాడు. 38 సంవత్సరాల వయస్సు గల క్రిస్టినా జోక్సిమోవిచ్, ఫిబ్రవరి నెలలో తన ఇంటిలో చనిపోయిందని వార్త వెలుగులోకి వచ్చింది. ఆ తర్వాత ఆమె భర్త థామస్పై అనుమానం వచ్చింది. ఆమెతో 2017 లో వివాహం జరిగింది. ఈ జంటకు ఇద్దరు పిల్లలు కూడా ఉన్నారు.
నేరం ఎలా జరిగింది?
క్రిస్టినా పోస్ట్మార్టం నివేదిక ప్రకారం.. మోడల్గా మారిన క్యాట్వాక్ కోచ్ క్రిస్టినా మృతదేహాన్ని ఆమె భర్త రంపపు, కత్తి, గార్డెన్ షియర్లను ఉపయోగించి ముక్కలుగా నరికాడు. దీంతో ఆమె శరీరం ఛిద్రమైంది. ముక్కలుగా కోసిన తరువాత అవశేషాలను హ్యాండ్ బ్లెండర్తో కత్తిరించారు.
హత్య తర్వాత ఆమె భర్త ఏం చెప్పాడు?
హత్యానంతరం మోడల్ భర్త థామస్ ఇప్పుడు ఆత్మరక్షణ కోసమే ఈ నేరానికి పాల్పడ్డాడని పేర్కొన్నాడు. భర్త థామస్ తన భార్యను హత్య చేసినట్లు అంగీకరించాడు. మోడల్ క్రిస్టినా తనపై కత్తితో దాడి చేసిందని, దాని కారణంగా ఆత్మరక్షణ కోసం ఆమెను చంపానని చెప్పాడు. ఆత్మరక్షణ కోసమే హత్య చేశారన్న థామస్ వాదనను నివేదిక ఖండిస్తున్నట్లు స్విస్ అవుట్లెట్ తెలిపింది. ఆమె మరణానికి ముందు మోడల్ గొంతు కోసి చంపినట్లు కోర్టు నిర్ణయం స్పష్టంగా సూచిస్తుంది.
భర్త అరెస్ట్
క్రిస్టినా మృతదేహం దొరికిన మరుసటి రోజే థామస్ని అరెస్టు చేశారు. భర్త తన భార్య చనిపోయిందని గుర్తించినప్పుడు, భయాందోళనలో ఆమె అవశేషాలను పారవేసేందుకు మృతదేహాన్ని ముక్కలుగా నరికినట్లు గతంలో పేర్కొన్నాడు. యూకే-ఆధారిత మీడియా అవుట్లెట్ ప్రకారం, ఒక విచారణలో ఆమె భర్తకు మానసిక పరిస్థితి సరిగా లేదని తేలింది.