Manoj Bajpayee :’యానిమల్’ సినిమా హిట్ అవ్వడానికి కారణం అదే..?

Manoj Bajpayee: బాలీవుడ్ స్టార్ హీరో రణ్ బీర్ కపూర్ హీరోగా అర్జున్ రెడ్డి ఫేమ్ సందీప్ రెడ్డి వంగా దర్శకత్వంలో తెరకెక్కిన చిత్రం ‘యానిమల్‌’.గత ఏడాది డిసెంబర్ లో రిలీజ్ అయిన ఈ సినిమా భారీ విజయం సాధించింది.సందీప్ రెడ్డి వంగా టేకింగ్ ఈ సినిమా అద్భుత విజయం సాధించేలా చేసింది.ఈ సినిమా ప్రపంచ వ్యాప్తంగా భారీగా కలెక్షన్స్ సాధించింది. ఈ సినిమాపై పలువురు సినీ ప్రముఖులు తీవ్రంగా విమర్శలు గుప్పించారు.ఆ విమర్శలకు దర్శకుడు సందీప్ రెడ్డి వంగా బహిరంగంగానే కౌంటర్ ఇస్తూ వచ్చారు.ఎవరెన్ని మాట్లాడిన కూడా యానిమల్ సినిమాకు ప్రేక్షకులలో పిచ్చ క్రేజ్ ఏర్పడింది.దీనితో ఈ సినిమా తిరుగులేని విజయం సాధించింది.

ఇదిలా ఉంటే తాజాగా యానిమల్ సినిమాపై వచ్చిన విమర్శల గురించి బాలీవుడ్ నటుడు మనోజ్‌ బాజ్‌పాయ్‌ స్పందించారు.ఏ సినిమాలు చూడాలి..ఏ సినిమా చూడకూడదు అనే విషయంపై ప్రేక్షకులకు పూర్తి క్లారిటీ వుంది.ఎవరు ఒప్పుకున్నా, లేకున్నా నేను ఈ విషయంలో స్పష్టంగా ఉన్నాను.ఒక సినిమాను ట్రైలర్‌ నచ్చితే చూడాలి. లేదంటే చూడటం మానేయాలి..అంతేకానీ ఆ సినిమాను విమర్శించకూడదు. ఎందుకంటే సినిమా అంటేనే పూర్తి వ్యాపారం. మనం సినిమాకు ఇబ్బంది సృష్టిస్తే దానిపై ఆధారపడి ఉన్న ఎంతోమందిపై ఆ ప్రభావం పడుతుందని ఆయన తెలిపారు.కానీ కొన్ని సినిమాలపై ఎన్ని విమర్శలు వచ్చినా కూడా అవి బ్లాక్‌బస్టర్‌గా నిలుస్తాయి. ‘యానిమల్‌’ సినిమా విషయంలో కూడా అదే జరిగిందని ఆయన తెలిపారు.