Maharaja: బాక్సాఫీస్ వద్ద ‘మహారాజ’ ఊచకోత..ఒక్క రోజుకే 2 లక్షల బుకింగ్స్..

తమిళ స్టార్ హీరో విజయ్ సేతుపతి ప్రధాన పాత్రలో నటించిన ‘మహారాజ’.. విజయ్ నటించిన ఈ 50వ సినిమాకి పాజిటివ్ రివ్యూలు వచ్చిన సంగతి తెలిసిందే. ఈ శుక్రవారం రిలీజైన ఈ చిత్రం వీకెండ్‌లో దుమ్మురేపుతుంది.. మొదటి షోతో పాజిటివ్ టాక్ తో దూసుకుపోతున్న ఈ సినిమా వీకెండ్‌లో భారీగా ఆక్యుపెన్సీ పెరిగింది. తన తొలి సినిమా అయినప్పటికీ నితిలన్ స్వామినాథన్ మంచి టాక్ ను అందుకున్నాడు.. ఇక ఈ సినిమా బుకింగ్స్ ఊచకొత మొదలుపెట్టింది..

కేవలం 24 గంటల్లోనే బుక్‌మైషో లోనే దాదాపుగా 2 లక్షలకు పైగా టిక్కెట్స్ అమ్ముడు పోయినట్లు తెలుస్తుంది.. ఈ వార్త ఫ్యాన్స్ కు ఫుల్ ఖుషి అయ్యేలా చేస్తుంది..అటు తమిళ్, ఇటు తెలుగు.. రెండూ వెర్షన్లు ఆదివారం భారీగా కలెక్షన్లు రాబట్టే అవకాశం ఉంది.. ఇప్పటికే భారీగా కలెక్షన్స్ ను రాబట్టింది.. సరికొత్త కథతో వచ్చిన ఈ సినిమాకు జనం నీరాజనం పడుతున్నారు..

ఈ మూవీలో హీరో ఒక బార్బర్ గా నటించారు.. కూతురు కోసం ఆరాట పడే తండ్రిగా చక్కగా నటించారు.. ఈ సినిమాలో ఆయన పెర్ఫార్మన్స్ కు ఫుల్ మార్క్స్ పడ్డాయి.. ఈ సినిమాలో అనురాగ్ కశ్యప్, మమతా మోహన్‌దాస్, నట్టి, భారతీరాజా, అభిరామ్, సింగంపులి, అరుల్దాస్, మునిష్కాంత్, వినోద్ సాగర్, బాయ్స్ ఫేమ్ మణికందన్, కల్కి, సచన నిమిదాస్ కీలక పాత్రలు పోషించారు.. సుధన్ సుందరం, జగదీష్ పళనిస్వామి ఈ సినిమాను నిర్మించగా, అజనీష్ లోక్‌నాథ్ చక్కటి సంగీతం అందించారు..