Kolkata Rape Case: సంజయ్ రాయ్ బైక్ పై కోల్‌కతా పోలీస్.. దీనిపై సీబీఐ విచారణ

Kolkata Rape Case: కోల్‌కతాలోని ఆర్‌జి కర్ రేప్ అండ్ మర్డర్ కేసులో నిందితుడైన సంజయ్ రాయ్‌కి సిబిఐ ఆదివారం లేదా సోమవారం పాలిగ్రాఫ్ పరీక్ష నిర్వహించనుంది. పాశవిక ఘటనకు సంబంధించి పలు ప్రశ్నలకు సరైన సమాధానాలు చెబుతున్నాడా లేదా అన్న కోణంలో దర్యాప్తు చేయనున్నారు. అంతకుముందు నిందితుడి బైక్‌ను కోల్‌కతాలోని సీజీవో కాంప్లెక్స్‌కు తీసుకొచ్చారు. ఘటన జరిగిన రోజు ఇదే బైక్‌పై ఆర్జీ ఆస్పత్రికి వచ్చాడు. ఇప్పుడు ఆ బైక్ సీబీఐ నిఘాలో ఉంది. ఆగస్టు 9న ఆర్‌జి కర్‌లోని సెమినార్ హాల్ నుండి బాధితురాలి మృతదేహాన్ని స్వాధీనం చేసుకున్నారు. 24 గంటల్లోనే పౌర వాలంటీర్‌ను అరెస్టు చేసిన పోలీసులు, అతను ఉపయోగించిన బైక్‌ను కూడా స్వాధీనం చేసుకున్నారు.

ఆ బైక్‌ను శనివారం సీబీఐకి అప్పగించారు. శనివారం బైక్‌ను ప్లాస్టిక్‌లో చుట్టి మటడోర్‌లోని సీజీవో కాంప్లెక్స్‌కు తీసుకొచ్చారు. బైక్ నంబర్ WB 01 A E 5021. చిరునామా 18 లాల్‌బజార్ స్ట్రీట్. నిందితుడు సంజయ్ రాయ్ పౌర వాలంటీర్ అయినప్పటికీ కోల్‌కతా పోలీస్‌లో రిజిస్టర్డ్ బైక్‌లో తిరిగేవాడు. కోల్‌కతా పోలీస్ పేరుతో పౌర వాలంటీర్ వాహనాన్ని ఎలా ఉపయోగించగలడనే ప్రశ్న తలెత్తుతుంది.

Read Also:శ్రావణమాసం ఆదివారం నాడు ఈ స్తోత్రాలు వింటే ఇష్టకామ్యార్ధ సిద్ధి, కీర్తి, విజయాలు కలుగుతాయి..

ఏఎస్ఐ ర్యాంక్ పోలీసు అధికారులకు కేటాయించిన మోటార్ సైకిల్‌ను సంజయ్ ఎలా ఉపయోగించాడు? అనే ప్రశ్నలు మొదలయ్యాయి. సంజయ్‌ రాయ్‌ వెనుక కోల్‌కతా పోలీసు ఏఎస్‌ఐ హస్తం ఉన్నట్లు ఆరోపణలు వచ్చాయి. ఆ ఏఎస్ఐని సీబీఐ ఇప్పటికే పలుమార్లు విచారించింది. ఈ బైక్ ద్వారా అతడు డబ్బులు వసూలు చేసేవాడని వెలుగులోకి వచ్చింది.

ఆర్‌జి కేసులో 7 మందికి పాలీగ్రాఫ్ టెస్ట్ నిర్వహించడానికి సిబిఐ కోర్టు నుండి అనుమతి పొందింది. ఇందులో పౌర వాలంటీర్‌తో సహా, ఏడుగురిలో ఆర్‌జి మాజీ ప్రిన్సిపాల్ సందీప్ ఘోష్ కూడా ఉన్నారు. అరెస్టయిన నిందితుడు ప్రస్తుతం ప్రెసిడెన్సీ జైలులో ఉన్నాడు. ఈ రోజు సీబీఐ అధికారులు ప్రెసిడెన్సీ జైలుకు వెళ్లారు. ఆదివారం లేదా సోమవారం పాలీగ్రాఫ్ పరీక్ష చేయవచ్చు. అంతకుముందే ఆయన కారు సీబీఐ ఆధీనంలోకి వచ్చింది. సంజయ్ రాయ్ ఉపయోగించిన మోటార్‌సైకిల్‌ను కూడా ఫోరెన్సికల్‌గా పరిశీలిస్తామని సీబీఐ తెలిపింది.

Read Also:Israel Gaza War : గాజాలో ఇజ్రాయెల్ సైన్యం విధ్వంసం.. 36 మంది మృతి