అక్కినేని అభిమానులారా.. ఇక పండగ చేసుకోండి.. అఖిల్ ‘లెనిన్’ రిలీజ్ పై వస్తున్న పుకార్లన్నింటికీ కింగ్ నాగార్జున ఫుల్ స్టాప్ పెట్టేశారు. ఈ సినిమా వాయిదా పడుతుందేమో అని టెన్షన్ పడుతున్న ఫ్యాన్స్కు నాగ్ అదిరిపోయే గుడ్ న్యూస్ చెప్పారు. నిన్న రాత్రి సినిమా ‘ఫస్ట్ కట్’ చూసిన నాగార్జున, అఖిల్ పెర్ఫార్మెన్స్కు ఫిదా అయిపోయారట.. ‘చాలా నమ్మకంగా చెబుతున్నాను.. మీరు ఈ సినిమాలో ఒక కొత్త అఖిల్ని చూడబోతున్నారు’ అంటూ నాగ్ ఇచ్చిన రివ్యూ ఇప్పుడు సోషల్ మీడియాలో ట్రెండ్ అవుతోంది. దాదాపు మూడేళ్ల వెయిటింగ్ తర్వాత వస్తున్న అఖిల్ మాస్ ఎంటర్టైనర్ కాబట్టి, నాగ్ మాటలు అభిమానులకు పెద్ద బూస్టప్ ఇచ్చాయి.
ఇక అందరూ ఎదురుచూస్తున్న రిలీజ్ డేట్ విషయంలో కూడా నాగార్జున బిగ్ అప్డేట్ ఇచ్చారు. ఎక్కడా వెనక్కి తగ్గకుండా జూన్ 26నే ‘లెనిన్’ గ్రాండ్ గా థియేటర్లలోకి రాబోతుందని స్పష్టం చేశారు. దీంతో వాయిదా రూమర్స్ కి తెరపడినట్టయ్యింది. మురళీ కిషోర్ అబ్బూరు డైరెక్షన్ లో వస్తున్న ఈ పవర్ ఫుల్ యాక్షన్ డ్రామాలో భాగ్యశ్రీ బొర్సే హీరోయిన్ గా నటిస్తోంది. థమన్ అదిరిపోయే మ్యూజిక్ ఇస్తుండగా, అన్నపూర్ణ స్టూడియోస్ మరియు సితారా ఎంటర్టైన్మెంట్స్ బ్యానర్లపై నాగార్జున, నాగవంశీ కలిసి ఈ సినిమాను నిర్మిస్తున్నారు. జూన్ 26న బాక్సాఫీస్ దగ్గర అఖిల్ గర్జన ఎలా ఉండబోతుందో చూడాలి!
watched the first cut of our film LENIN last night.
I say this with confidence and pride… you are about to witness a new AKHIL on June 26 2026.
mark the date!!!
see you in the theatres🔥— Nagarjuna Akkineni (@iamnagarjuna) April 29, 2026