Viral News: 10 ఏళ్ల బాలికను నేలకేసి కొట్టిన మహిళా ఉపాధ్యాయురాలు
Viral News: రాజస్థాన్ రాజధాని జైపూర్లో ఓ షాకింగ్ ఘటన వెలుగులోకి వచ్చింది. జైపూర్లోని ఓ ప్రభుత్వ పాఠశాలలో ఓ మహిళా టీచర్ బాలికపై అఘాయిత్యానికి పాల్పడిన సీసీటీవీ ఫుటేజీ వైరల్గా మారింది. వైరల్ ఫుటేజీలో ఉపాధ్యాయురాలు బాలిక జుట్టు పట్టుకుని కనికరం లేకుండా కొట్టడం చూడవచ్చు. ఇంతకు ముందు కూడా ఓ మహిళా టీచర్ చాలా మంది పిల్లలను దారుణంగా కొట్టినట్లు ఫిర్యాదులు వచ్చాయి. ఈ ఘటన బని పార్క్లో ఉన్న మహాత్మా గాంధీ ప్రభుత్వ పాఠశాలలో చోటు చేసుకుంది. స్కూల్లోని సీసీటీవీలో రికార్డయిన దృశ్యం అందరినీ విస్మయానికి గురిచేసింది. పదేళ్ల బాలికను కొట్టిన ఘటన పాఠశాల తరగతి గదిలో అమర్చిన సీసీటీవీ కెమెరాలో రికార్డైంది. ఓ మహిళా టీచర్ చిన్నారిని జుట్టు పట్టుకుని ఎలా కొడుతుందో వీడియోలో చూడవచ్చు.
Read Also:Shamshabad Crime: దారుణం.. కారు ప్రమాదంలో తెగిపడ్డ తల..
వీడియోలో మహిళా ఉపాధ్యాయురాలు జుట్టు పట్టుకుని బాలికను నేలపైకి విసిరివేయడం కనిపిస్తుంది. ఎవరిని ఎలా కొడుతుండో అర్థం కానంత ఆవేశంలో మహిళా టీచర్ ఉంది. కొట్టడంతో బాలికకు తీవ్ర గాయాలయ్యాయి. బాలిక చేయి బెణికింది. బాలిక శరీరంలోని ఇతర భాగాలలో కూడా అంతర్గత గాయాలయ్యాయి. మహిళా టీచర్ని బబితా చౌదరిగా గుర్తించారు. ఆమె లెవల్-2 టీచర్. ఈ ఘటనతో బాలిక కుటుంబంలో తీవ్ర ఆగ్రహం వ్యక్తమవుతోంది. ఇంతకు ముందు కూడా ఉపాధ్యాయురాలు చాలా మంది పిల్లలను నిర్దాక్షిణ్యంగా కొట్టినట్లు చెబుతున్నారు. పిల్లలను ఈ విధంగా కొట్టడం వల్ల ఉపాధ్యాయుని మానసిక స్థితిపై ప్రశ్నలు తలెత్తుతాయి. టీచర్పై కఠిన చర్యలు తీసుకోవాలని బాలిక కుటుంబీకులు డిమాండ్ చేస్తున్నారు.
Read Also:Nandamuri : ఒకటి కాదు రెండు కాదు ఏకంగా మూడు.. నందమూరి ఫ్యాన్స్ కు పండగే..