IND Vs ENG: తిలక్ వర్మ మెరుపులు.. ఇంగ్లాండ్ ముందు భారీ లక్ష్యాన్ని ఉంచిన భారత్..
- Follow Us :
-
-
Add as a preferred
source on google
మాంచెస్టర్ వేదికగా ఇంగ్లాండ్‌తో జరుగుతున్న రెండో టీ20 మ్యాచ్‌లో టాస్ గెలిచి మొదట బ్యాటింగ్ చేసిన భారత జట్టు నిర్ణీత 20 ఓవర్లలో 7 వికెట్ల నష్టానికి 190 పరుగుల భారీ స్కోరు సాధించింది. భారత బ్యాటర్లలో వికెట్ కీపర్ ఇషాన్ కిషన్ 49 పరుగులతో టాప్ స్కోరర్‌గా నిలవగా, ఇంగ్లాండ్ బౌలర్లలో సామ్ కరన్ మూడు వికెట్లతో రాణించాడు.
పవర్‌ప్లేలోనే ఓపెనర్లు అవుట్.. మిడిలార్డర్ రాణాయింపు
భారత ఇన్నింగ్స్‌ను సరికొత్త ఓపెనింగ్ జోడీ వైభవ్ సూర్యవంశీ, అభిషేక్ శర్మ ధాటిగా ప్రారంభించారు. అంతర్జాతీయ క్రికెట్‌లో అరంగేట్రం చేసిన 15 ఏళ్ల వైభవ్ సూర్యవంశీ 10 బంతుల్లో 14 పరుగులు చేసి విల్ జాక్స్ బౌలింగ్‌లో అవుటయ్యాడు. మరో ఓపెనర్ అభిషేక్ శర్మ 24 బంతుల్లో 43 పరుగులతో వేగంగా ఆడి సామ్ కరన్ బౌలింగ్‌లో వెనుతిరిగాడు. ఆ తర్వాత వచ్చిన కెప్టెన్ శ్రేయస్ అయ్యర్ 22 బంతుల్లో 37 పరుగులు చేసి ఇన్నింగ్స్‌ను ముందుకు నడిపించాడు. ఇషాన్ కిషన్ (49) కీలక ఇన్నింగ్స్ ఆడగా.. ఆఖర్లో తిలక్ వర్మ ధాటిగా ఆడటంతో భారత్ స్కోర్ 190 చేయగలిగారు.
ఐదు మ్యాచ్‌ల ఈ సిరీస్‌లో డర్హామ్‌లో జరిగిన మొదటి మ్యాచ్ వర్షం కారణంగా రద్దయిన సంగతి తెలిసిందే. ఆ మ్యాచ్‌లోనూ భారత్ 189 పరుగులు చేసినప్పటికీ, ఇంగ్లాండ్ బ్యాటింగ్ ప్రారంభం కాకుండానే మ్యాచ్ రద్దయింది. ఈ రెండో మ్యాచ్‌కు కూడా వర్షం ముప్పు పొంచి ఉంది.
ఈ మ్యాచ్ ప్రత్యక్ష ప్రసార హక్కులను భారత్‌లో ‘సోనీ స్పోర్ట్స్ నెట్‌వర్క్’ కలిగి ఉంది. అలాగే డిజిటల్ ఓవర్ ది టాప్ (OTT) వేదికలైన ‘సోనీ లివ్’ (SonyLIV) మరియు ‘డిస్నీ ప్లస్ హాట్‌స్టార్’ లలో ఈ మ్యాచ్ లైవ్ స్ట్రీమింగ్ అవుతోంది. ప్రస్తుతం ఇంగ్లాండ్ గెలవాలంటే 120 బంతుల్లో 191 పరుగులు చేయాల్సి ఉంది.