IND vs SA 4th T20I: నేడే నాల్గవ టీ20.. టీమిండియా సిరీస్ గెలుస్తుందా..?
- నేడు లక్నోలో భారత్, దక్షిణాఫ్రికా మధ్య నాల్గవ టీ20 మ్యాచ్
- ఐదు మ్యాచ్ల సిరీస్లో టీమిండియా 2-1 ఆధిక్యంలో
- ఈ మ్యాచ్ గెలిస్తే భారత్ మరో మ్యాచ్ మిగిలి ఉండగానే సిరీస్ కైవసం
- దక్షిణాఫ్రికాకు ఇది డూ ఆర్ డై మ్యాచ్.. ఓడితే సిరీస్ చేజారినట్లే.
- Follow Us :
-
-
Add as a preferred
source on google
IND vs SA 4th T20I: నేడు లక్నో వేదికగా భారత్, దక్షిణాఫ్రికా మధ్య నిర్ణయాత్మకమైన నాల్గవ టీ20 మ్యాచ్ జరగనుంది. 5 మ్యాచ్ల ఈ సిరీస్లో టీమిండియా ఇప్పటికే 2-1 ఆధిక్యంలో ఉండగా.. ఈరోజు గెలిస్తే మరో మ్యాచ్ మిగిలి ఉండగానే సిరీస్ను కైవసం చేసుకుంటుంది. మరోవైపు దక్షిణాఫ్రికాకు ఇది ‘డూ ఆర్ డై’ (గెలవాల్సిన) మ్యాచ్. సూర్యకుమార్ యాదవ్ నేతృత్వంలోని భారత జట్టు గత మ్యాచ్లో ఘనవిజయం సాధించి మంచి ఊపులో ఉంది. అయితే జట్టులో కొందరు కీలక ఆటగాళ్ల ఫామ్ ఆందోళన కలిగిస్తోంది. ముఖ్యంగా సూర్య, గిల్ ఫామ్ టీమిండియాను కలవర పెడుతోంది.
IPL 2026 Teams: ముగిసిన ఆటగాళ్ల వేలం.. ఏ జట్టులో ఏ ఆటగాళ్లు ఉన్నారంటే..? ఫుల్ టీమ్స్ లిస్ట్ ఇదిగో…!
టీ20 స్టార్ బ్యాటర్, టీమిండియా కెప్టెన్ సూర్యకుమార్ యాదవ్ గత 21 ఇన్నింగ్స్లుగా ఒక్క అర్ధశతకం కూడా చేయలేదు. ఓపెనర్ శుభ్మన్ గిల్ కూడా ఈ సిరీస్లో తడబడుతున్నారు. ఇక బౌలింగ్ విషయానికి వస్తే.. వరుణ్ చక్రవర్తి స్పిన్తో మ్యాజిక్ చేస్తుండగా.. అర్షదీప్ సింగ్, హర్షిత్ రాణా పవర్ ప్లేలో రాణించాల్సి ఉంది. తిలక్ వర్మ, హార్దిక్ పాండ్యా మిడిల్ ఆర్డర్లో కీలక పాత్ర పోషించనున్నారు.
ప్రస్తుతం వెనుకబడి ఉన్న దక్షిణాఫ్రికా జట్టు సిరీస్ను కాపాడుకోవాలంటే ఈ మ్యాచ్లో తప్పక గెలవాలి. ఎయిడన్ మార్క్రమ్ నేతృత్వంలోని ఆ జట్టు నిలకడలేమితో ఇబ్బంది పడుతోంది. క్వింటన్ డికాక్, డేవిడ్ మిల్లర్ వంటి సీనియర్లు భారీ ఇన్నింగ్స్లు ఆడితేనే భారత్ను అడ్డుకోవడం వారికి సాధ్యమవుతుంది. లక్నోలోని ఏకనా స్టేడియం పిచ్ ప్రారంభంలో పేసర్లకు, స్పిన్నర్లకు అనుకూలిస్తుంది. ఇక్కడ రెండో ఇన్నింగ్స్లో మంచు (Dew) ప్రభావం చూపే అవకాశం ఉన్నందున.. టాస్ గెలిచిన జట్టు ముందుగా ఫీల్డింగ్ ఎంచుకునే అవకాశం ఉంది. మ్యాచ్ లైవ్ స్ట్రీమింగ్ జియో హాట్స్టార్ (JioHotstar) యాప్, వెబ్సైట్ లలో ఉంటుంది. లైవ్ టెలికాస్ట్ స్టార్ స్పోర్ట్స్ నెట్వర్క్ ద్వారా జరుగుతుంది.
IPL 2026 Teams: ముగిసిన ఆటగాళ్ల వేలం.. ఏ జట్టులో ఏ ఆటగాళ్లు ఉన్నారంటే..? ఫుల్ టీమ్స్ లిస్ట్ ఇదిగో…!
తుది జట్లు (అంచనా):
భారత్: శుభ్మన్ గిల్, అభిషేక్ శర్మ, సూర్యకుమార్ యాదవ్ (సి), హార్దిక్ పాండ్యా, తిలక్ వర్మ, శివమ్ దూబే, జితేష్ శర్మ (కీపర్), హర్షిత్ రాణా, కుల్దీప్ యాదవ్, వరుణ్ చక్రవర్తి, అర్షదీప్ సింగ్.
దక్షిణాఫ్రికా: క్వింటన్ డికాక్, రీజా హెండ్రిక్స్, ఎయిడన్ మార్క్రమ్ (సి), డెవాల్డ్ బ్రెవిస్, డేవిడ్ మిల్లర్, డోనోవన్ ఫెరీరా, జార్జ్ లిండే, మార్కో జాన్సెన్, లుథో సిపామ్లా, లుంగీ ఎన్గిడి, ఒట్నీల్ బార్ట్మన్.