Holi 2026 : ఈసారి రంగుల పండుగ ఎప్పుడు? చంద్రగ్రహణం వల్ల తేదీల్లో మార్పులు ఇవే!

భారతీయులు అత్యంత ఉత్సాహంగా జరుపుకునే రంగుల పండుగ హోలీ (Holi 2026) ఈ ఏడాది కొన్ని అరుదైన ఖగోళ, జ్యోతిష్య పరిణామాల మధ్య రాబోతోంది. సాధారణంగా రెండు రోజుల పాటు జరిగే ఈ వేడుకలపై ఈసారి భద్ర కాలం, సంపూర్ణ చంద్రగ్రహణం ప్రభావం ఉండటంతో, తేదీల విషయంలో సామాన్యుల్లో కొంత అయోమయం నెలకొంది. ధార్మిక పండితులు, జ్యోతిష్య శాస్త్రవేత్తల సూచనల ప్రకారం ఈ ఏడాది హోలీ షెడ్యూల్.. శుభ ముహూర్తాల వివరాలు ఇక్కడ ఉన్నాయి.

1. హోలికాదహనం ఎప్పుడు?
మార్చి 2 సాయంత్రం 5:18 నుండి పౌర్ణమి ప్రారంభమవుతుంది. అయితే, అదే సమయంలో ‘భద్ర కాలం’ (అశుభ సమయం) కూడా మొదలవుతుంది. శాస్త్రాల ప్రకారం భద్ర సమయంలో హోలికాదహనం చేయకూడదు. అందుకే భద్ర ప్రభావం తక్కువగా ఉండే ‘భద్ర పుచ్ఛం’ సమయంలో (అంటే మార్చి 2 అర్ధరాత్రి 12:50 నుండి) దహనం చేయడం శ్రేయస్కరం.

2. మార్చి 3న హోలీ ఎందుకు ఆడకూడదు?
మార్చి 3న సంపూర్ణ చంద్రగ్రహణం ఏర్పడనుంది. గ్రహణానికి 9 గంటల ముందే (ఉదయం 6:30 నుండి) సూతకం ప్రారంభమవుతుంది. సూతక కాలంలో ఆలయాల్లో పూజలు నిలిపివేస్తారు, ఎలాంటి పండుగ వేడుకలు జరపకూడదు. ఈ గ్రహణం సాయంత్రం 6:48 వరకు కొనసాగుతుంది.

3. మార్చి 4నే అసలైన హోలీ:
ఈ లెక్కన్న గ్రహణం సూతక ప్రభావం పూర్తిగా మార్చి 3 రాత్రితో ముగిసిపోతుంది. కాబట్టి, ఎటువంటి దోషం లేకుండా మార్చి 4, బుధవారం నాడు దేశవ్యాప్తంగా రంగుల పండుగ (ధులెండి) జరుపుకోవాలని పండితులు సూచిస్తున్నారు.