న్యాచురల్ స్టార్ నాని నటించిన హాయ్ నాన్న మూవీ థియేటర్లు మరియు ఓటీటీలో మంచి విజయం సాధించింది. ఇక ఇప్పుడు టీవీ ప్రేక్షకులను అలరించేందుకు సిద్ధం అవుతుంది.. నెట్ఫ్లిక్స్ ఓటీటీలో దుమ్మురేపిన ఈ మూవీ ఇప్పుడు జెమినీ టీవీలో టెలికాస్ట్ కానుంది.ఈ విషయాన్ని ఆ ఛానెల్ శుక్రవారం (మార్చి 1) తన సోషల్ మీడియా ద్వారా అనౌన్స్ చేసింది.నాని నటించిన హాయ్ నాన్న మూవీ మార్చి 17న వరల్డ్ టెలివిజన్ ప్రీమియర్ ఉన్నట్లు జెమిని టీవీ వెల్లడించింది. శౌర్యువ్ డైరెక్ట్ చేసిన ఈ సినిమా టీవీ ప్రీమియర్ డేట్ ను సోషల్ మీడియా ఎక్స్ ద్వారా తెలిపింది. “మార్చి నెలకు హాయ్ నాన్న డేట్ తో స్వాగతం పలుకుతున్నాం. ఈ మార్చి 17న హాయ్ నాన్న మీకు ప్రేమ, నవ్వులు, లెక్కలేనన్న ఎమోషన్స్ ఇవ్వడానికి వస్తోంది” అనే క్యాప్షన్ తో జెమిని టీవీ హాయ్ నాన్న ప్రీమియర్ డేట్ అనౌన్స్ చేసింది.
హాయ్ నాన్న మూవీలో నానితోపాటు మృణాల్ ఠాకూర్, కియారా ఖన్నా, జయరాం, ప్రియదర్శి, నాజర్ మరియు అంగద్ బేడీలాంటి వంటి కీలక పాత్రలు పోషించారు.. వైరా ఎంటర్‌టైన్మెంట్స్ ఈ మూవీని నిర్మించింది. హేషమ్ అబ్దుల్ వహాబ్ ఈ మూవీకి అద్భుతమైన మ్యూజిక్ అందించాడు. ఈ సినిమాలోని ఎమోషన్స్ ప్రేక్షకులను ఎంతగానో బాగా ఆకట్టుకున్నాయి.హాయ్ నాన్న సినిమా నెట్ఫ్లిక్స్ ఓటీటీలో తెలుగుతో పాటు హిందీ, కన్నడ, తమిళం మరియు మలయాళం భాషల్లో స్ట్రీమింగ్‍కు వచ్చింది. జనవరి 4వ తేదీన ఈ మూవీ ఓటీటీలో అడుగుపెట్టింది. తొలి వారం తెలుగుతో పాటు హిందీ వెర్షన్ ‘హాయ్ పాపా’కు సూపర్ రెస్పాన్స్ వచ్చింది. ‘హాయ్ పాపా’ చిత్రం 50 రోజులుగా నెట్ఫ్లిక్స్ ఓటీటీ ఇండియా ట్రెండింగ్‍లో టాప్-10లోనే కొనసాగుతోంది. సోషల్ మీడియాలోనూ చాలా మంది హిందీ ప్రేక్షకులు ఈ చిత్రాన్ని ప్రశంసిస్తున్నారు. నాని పర్ఫార్మెన్స్‌కు వారు ఎంతగానో ఫిదా అవుతున్నారు.
