Heroine Ester: అతడు నన్ను అన్ని రకాలుగా వాడుకున్నాడు

Heroine Ester: సినిమాలు చేసే సమయంలో లవ్ లో పడి పెళ్లి చేసుకోవడం.. ఆ తర్వాత కొంత కాలానికే చాలా జంటలు విడిపోతున్న సంగతి తెలిసిందే. కొద్దిమంది మాత్రమే తమ మధ్య ఏర్పడిన మనస్పర్థలకు కారణాలు వాటికి పరిష్కారం కనుగొని కలిసుంటున్నారు. ఎందుకు రాజీ పడాలి అనుకునే వారు అహం అసూయలతో రగిలిపోతూ చివరికి విడిపోతున్నారు. అలా పెళ్ళైన ఆరు నెలలకే విడిపోయిన వారిలో సింగర్ నోయెల్, హీరోయిన్ ఎస్తేర్ నోరోన్హా జంట ఒకటి. వీరిది పెద్దలు కుదిర్చిన పెళ్లే. కానీ ఇద్దరి మధ్య అభిప్రాయ బేధాలు తలెత్తాయి. దీంతో ఎవరి దారి వాళ్లు చూసుకుని విడివిడిగా ఉంటున్నారు.

Read Also: Sai Pallavi comments on dance shows : డ్యాన్స్ షోలపై హీరోయిన్ సాయిపల్లవి సెన్సేషనల్ కామెంట్స్

సింగర్ నోయెల్ తన సింగింగ్ వృత్తిలో బిజీగా ఉంటే, ఎస్తేర్ వరుస సినిమాలతో బిజీగా ఉంది. రీసెంట్ గా 69 సంస్కార్ కాలనీ అనే మూవీలో నటించింది. ఆ సినిమా ప్రమోషన్స్ లో భాగంగా ఆమె పలు ఛానల్స్ కి ఇంటర్వ్యూలు ఇచ్చింది. ఆ సమయంలో ఆమె నోయెల్ పై పలు ఆరోపణలు చేసింది. తనతో విడిపోయిన తర్వాత నోయెల్.. తనపై నెగిటివ్ ప్రచారం చేశాడని ఆరోపించింది. విడాకుల తర్వాత బిగ్ బాస్ షోకి వెళ్లిన నోయెల్.. ఆ ఇష్యూని సానుభూతి కోసం వాడుకున్నాడంటూ కామెంట్ చేసింది. తనను అన్ని రకాలుగా వాడుకుని బ్యాడ్ చేశాడంటూ నోయెల్ పై మండిపడింది. తనను బ్యాడ్ చేయడంతో.. తనపై ట్రోల్స్ ఎక్కువయ్యాయని ఆమె ఆవేదన వ్యక్తం చేసింది. బంగారం లాంటి నోయెల్ ని వదిలేసి ఎలా వెళ్లిపోయావ్ అనేలా తన మీద సింపతీ క్రియేట్ చేసుకున్నాడని నోయెల్ పై విమర్శలు చేసింది. దీంతో వీటన్నిటికీ సమాధానం చెప్పాలనే మూడేళ్ల తర్వాత మీడియా ముందుకొచ్చి మాట్లాడుతున్నానని ఆమె వెల్లడించింది. పెళ్ళైన ఆరు నెలలకే ఇద్దరం విడాకులు తీసుకున్నామని, కానీ తాము కలిసి ఉన్నది కేవలం 16 రోజులు మాత్రమే అని ఆమె వెల్లడించింది.