తమిళ స్టార్ హీరో సిద్దార్థ్ గురించి ప్రత్యేకంగా పరిచయాలు అవసరం లేదు.. ఒకప్పుడు తెలుగులో బ్లాక్ బాస్టర్ హిట్ సినిమాల్లో నటించి మెప్పించారు.. ఇప్పుడు కేవలం కోలివుడ్ సినిమాల్లోనే కనిపిస్తూ వస్తున్నాడు. తమిళ్ లో వరుస హిట్ సినిమాలను తన ఖాతాలో వేసుకున్నాడు.. దక్షిణాదిలో తెలుగు, తమిళ చిత్రాల్లో నటించి మంచి గుర్తింపు తెచ్చుకున్నారు. గతేడాది చిన్నా సినిమాతో ప్రేక్షకులను అలరించాడు.. ప్రస్తుతం కొన్ని సినిమాల్లో నటిస్తూ బిజీగా ఉన్నాడు.. అయితే సిద్దార్థ్ గురించి ఓ ఇంట్రెస్టింగ్ న్యూస్ ఒకటి సోషల్ మీడియాలో తెగ చక్కర్లు కొడుతుంది..
హీరో సిద్ధార్థ్ తాజాగా ముంబయిలోని బాంద్రాలో సందడి చేశారు. ఓ అభిమాని సిద్ధార్థ్ తన కారు వద్దకు వెళ్తుండగా ఫోటో దిగేందుకు యత్నించాడు. అది గమనించిన హీరో అతనిపై హీరో సిద్ధార్థ్ ఆగ్రహం వ్యక్తం చేశారు. దయచేసి ఇక్కడ సౌండ్‌ చేయొద్దంటూ అతన్ని వారితో వారించాడు. దీనికి సంబంధించిన వీడియో సోషల్ మీడియాలో తెగ వైరలవుతోంది. ఇది చూసిన నెటిజన్స్‌ సిద్ధార్థ్ తీరుపై మండిపడుతున్నారు.. అభిమానుల పై ఇలా చెయ్యడం సరికాదని చెబుతున్నారు..
ఇక హీరో సిద్ధార్థ్ గురించి ఈ మధ్య నిత్యం ఏదొక టాపిక్ హైలెట్ అవుతుంది.. గతంలో సినిమాల మీద సంచలన వ్యాఖ్యలు చేసి ట్రోల్స్ కు గురయ్యాడు.. అలాగే సిద్ధార్థ్, ఆదితి రావు హైదరీ నిశ్చితార్థం చేసుకున్న సంగతి తెలిసిందే. వనపర్తిలోని ఓ ఆలయంలో ఈ జంట సీక్రెట్‌గా ఎంగేజ్‌మెంట్‌ చేసుకున్నారు. ఆ తర్వాత సోషల్ మీడియా ద్వారా ఈ విషయాన్ని అభిమానులతో పంచుకున్నారు. ఆదితి రావు హైదరీ హీరామండి సినిమాతో ప్రేక్షకులను పలకరించింది.. అది భారీ విజయాన్ని అందుకున్న సంగతి తెలిసిందే.. ఇక సిద్దార్థ్ కూడా భారతీయుడు 2 సినిమాలో నటిస్తున్నాడు..