Health Tips : వర్కౌట్ బట్టల్లో ప్రాణాంతక రసాయనాలు.. ఫిట్‌నెస్ కోసం వెళ్తే అనారోగ్యం ఫ్రీ.!
- జిమ్ దుస్తుల్లో దాగిన ప్రమాదం
- హార్మోన్లపై రసాయనాల ప్రభావం
- చర్మ సమస్యలకు కారణం
- నిపుణుల కీలక సూచనలు
- Follow Us :
-
-
Add as a preferred
source on google
నేటి ఫ్యాషన్ ప్రపంచంలో జిమ్ వెళ్లేవారు లేదా వ్యాయామం చేసేవారు చాలా టైట్‌గా ఉండే సింథటిక్ దుస్తులను (Activewear) ధరించడం ఒక ట్రెండ్‌గా మారింది. అయితే, ఇవి కేవలం సౌకర్యంగా ఉండటమే కాకుండా ఆరోగ్యంపై తీవ్ర ప్రభావం చూపుతాయని తాజా అధ్యయనాలు హెచ్చరిస్తున్నాయి.
ప్రధాన సమస్య ఏమిటి?
జిమ్ దుస్తులలో ఎక్కువ భాగం సింథటిక్ ఫ్యాబ్రిక్స్‌తో తయారవుతాయి. వీటిలో ‘థాలేట్స్’ (Phthalates) అనే రసాయనాలను ఉపయోగిస్తారు. అమెరికాలో జరిగిన ఒక అధ్యయనం ప్రకారం, ఈ రసాయనాలు శరీరంలోని హార్మోన్ వ్యవస్థను దెబ్బతీసే అవకాశం ఉంది.
Rahul Gandhi: ఇది మహిళా రిజర్వేషన్ బిల్లు కాదు, బీజేపీ అధికారాన్ని శాశ్వతం చేసే బిల్లు..
ఆరోగ్య ప్రమాదాలు:
హార్మోన్ల అసమతుల్యత: ఈ దుస్తుల్లోని రసాయనాలు చర్మం ద్వారా శరీరంలోకి ప్రవేశించి హార్మోన్ల వ్యవస్థపై ప్రభావం చూపుతాయని నిపుణులు ఆందోళన వ్యక్తం చేస్తున్నారు.
చర్మ సమస్యలు: వ్యాయామం చేసేటప్పుడు విపరీతంగా చెమట పడుతుంది. టైట్ దుస్తులు ధరించడం వల్ల ఆ చెమట చర్మంపైనే పేరుకుపోయి, గాలి ఆడక ఫంగల్ ఇన్ఫెక్షన్లు, రాషెస్, , చర్మంపై మంటకు దారితీస్తాయి.
బ్రీతబిలిటీ లేకపోవడం: సింథటిక్ బట్టలు గాలిని లోపలికి రానివ్వవు, దీనివల్ల శరీర ఉష్ణోగ్రత పెరిగి చర్మంపై ఒత్తిడి పెరుగుతుంది.
నిపుణుల సూచనలు – నివారణ చర్యలు:
దుస్తుల ఎంపిక: వ్యాయామం చేసేటప్పుడు మరీ టైట్‌గా ఉండే బట్టలకు బదులుగా, కొంచెం వదులుగా , సౌకర్యవంతంగా ఉండే దుస్తులను ఎంచుకోండి.
కాటన్ దుస్తులు: సింథటిక్ బట్టల కంటే కాటన్ లేదా నాచురల్ ఫైబర్‌తో చేసిన తేలికపాటి దుస్తులకు ప్రాధాన్యత ఇవ్వడం మంచిది.
వెంటనే మార్చండి: జిమ్ ముగిసిన వెంటనే చెమట పట్టిన బట్టలను తీసేసి, శుభ్రమైన బట్టలు ధరించడం వల్ల ఇన్ఫెక్షన్లను అరికట్టవచ్చు.
లక్షణాలు కనిపిస్తే: చర్మంపై మంట లేదా ఇన్ఫెక్షన్ లక్షణాలు కనిపిస్తే వెంటనే వైద్యుడిని సంప్రదించాలి.
అందుకే కేవలం స్టైల్ కోసం కాకుండా, మీ చర్మానికి , ఆరోగ్యానికి మేలు చేసే దుస్తులనే వ్యాయామం కోసం ఎంచుకోవడం శ్రేయస్కరం.