Balloon Explosion: కళ్ల ముందు కనిపించిన మృత్యువు.. లిఫ్ట్‌లో పేలిన గ్యాస్ బెలూన్లు.. (వీడియో)

ముంబైలో ఓ షాకింగ్ ఘటన చోటుచేసుకుంది. ఓ అపార్ట్ మెంట్ లోని లిఫ్ట్‌లో అకస్మాత్తుగా బెలూన్స్ పేలిపోయాయి. ఈ భయానక దృశ్యం లిఫ్ట్‌లోని సీసీటీవీలో రికార్డ్ కాగా సోషల్ మీడియాలో వేగంగా వైరల్ అవుతోంది. ఆ వీడియోలో, తెల్లటి చొక్కా ధరించిన ఒక మహిళ, ఒక చిన్న ట్రాలీ బ్యాగ్ పట్టుకుని, మొదట లిఫ్ట్‌లోకి ప్రవేశించింది. ఆమె వెళ్లాల్సిన ఫ్లోర్ కోసం బటన్‌ను నొక్కింది. ఆమె వెనుక, డజనుకు పైగా బెలూన్స్ తో ఓ వ్యక్తి లోపలికి ప్రవేశించాడు. బెలూన్ పట్టుకున్న వ్యక్తి లోపలికి వచ్చి ఒక మూలలో నిలబడబోతుండగా, లిఫ్ట్ లోపల బెలూన్స్ బాంబులు పేలినట్లు పేలిపోయాయి. లిఫ్ట్ అంతటా భారీ మంటలు చెలరేగాయి.

Also Read:YS Jagan: పవన్ కళ్యాణ్ కూడా అసత్య ప్రచారం చేశారు.. ఫ్లెక్సీలు మాక్కూడా కట్టొచ్చు!

ఒక్కసారిగా ఆ యువతీ యువకులకు కళ్ల ముందు మృత్యువు కనిపించినట్లైంది. అయితే అప్పటికీ డోర్స్ క్లోజ్ కాకపోవడంతో అందరూ లిఫ్ట్ నుండి బయటకు పరిగెత్తుకుంటూ రావడం కనిపించింది. బెలూన్లు మోస్తున్న వ్యక్తి బ్యాలెన్స్ కోల్పోయి నేలపై పడిపోయాడు. అందుతున్న సమాచారం ప్రకారం ఆ యువకుడు, యువతి ఇద్దరూ తీవ్రంగా గాయపడ్డారు. బెలూన్ విక్రేతపై కూడా కేసు నమోదు అయినట్లు తెలుస్తోంది. అతను బెలూన్లకు ఏ రకమైన వాయువు నింపాడో తెలియదు. హీలియం బెలూన్లు మండేవి కావు, కానీ హైడ్రోజన్ బెలూన్లు మండే స్వభావం కలిగి ఉంటాయని నిపుణులు చెబుతున్నారు. ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

📍 Mumbai, Maharashtra: Gas-filled balloons caught fire and exploded inside a residential lift in Goregaon. CCTV shows sudden flames, panic, and a narrow escape. Two injured. Safety ignored, danger invited. pic.twitter.com/I6NHrzEvpF

— Deadly Kalesh (@Deadlykalesh) February 4, 2026