G20 Summit: జీ20 విందుకు మాజీ ప్రధాని దేవెగౌడ గైర్హాజరు.. కారణం ఇదే

G20 Summit: ఢిల్లీలో సెప్టెంబరు 9, 10 తేదీల్లో జరగనున్న జి-20 సదస్సుకు సన్నాహాలు ముమ్మరంగా సాగుతున్నాయి. కాగా, దేశాధ్యక్షురాలు ద్రౌపది ముర్ము ఏర్పాటు చేసిన జీ20 విందుకు మాజీ ప్రధాని హెచ్‌డి దేవెగౌడ హాజరుకావడం లేదని వార్తలు వచ్చాయి. సాక్షాత్తూ మాజీ ప్రధాని హెచ్‌డి దేవెగౌడ ట్వీట్ ద్వారా ఈ సమాచారాన్ని అందించారు.

హెచ్‌డి దేవెగౌడ ట్వీట్ చేస్తూ, “ఆరోగ్య కారణాల వల్ల సెప్టెంబర్ 9న భారత రాష్ట్రపతి ద్రౌపది ముర్ము ఇచ్చే G20 విందుకు నేను హాజరు కాలేను, ఈ విషయాన్ని నేను ఇప్పటికే ప్రభుత్వానికి తెలియజేశాను, నేను G20 సమ్మిట్ కి హాజరు కాలేను. మీరు గొప్ప విజయం సాధించాలని కోరుకుంటున్నాను.”

Read Also:Farmers Concern: రైతుల ఆందోళన.. గోదాంలో యూరియా కట్టల కోసం డిమాండ్

G20 సమ్మిట్ డిన్నర్‌కు మాజీ ప్రధాని మన్మోహన్ సింగ్‌ను కూడా ఆహ్వానించారు. జి 20కి ముందు మన్మోహన్ సింగ్ మోడీ ప్రభుత్వాన్ని ప్రశంసించారు. రష్యా-ఉక్రెయిన్ యుద్ధం నేపథ్యంలో కొత్త ప్రపంచ వ్యవస్థను నిర్వహించడంలో భారతదేశం పాత్ర ముఖ్యమైనదని అన్నారు. శాంతి కోసం విజ్ఞప్తి చేస్తూనే భారతదేశం తన సార్వభౌమ, ఆర్థిక ప్రయోజనాలను మెరుగు పరచడానికి ప్రభుత్వం కృషి చేసిందన్నారు.

I will not be attending the G20 dinner organised by the Hon. President of India Draupadi Murmuji, on 09 September 2023, due to health reasons. I have already communicated this to the government. I wish the G20 summit a grand success. @PMOIndia @rashtrapatibhvn

— H D Deve Gowda (@H_D_Devegowda) September 8, 2023

జి-20 సదస్సులో పాల్గొనేందుకు పలు దేశాల దేశాధినేతలు, ప్రతినిధులు ఢిల్లీకి చేరుకుంటున్నారు. ప్రధాని మోడీ 15కి పైగా ద్వైపాక్షిక సమావేశాలు నిర్వహించనున్నారు. సెప్టెంబరు 8న, ప్రధానమంత్రి మారిషస్, బంగ్లాదేశ్, అమెరికా నాయకులతో LKMలో ద్వైపాక్షిక సమావేశాలు నిర్వహించనున్నారు. ఇది కాకుండా, సెప్టెంబర్ 9 న, జీ20 సమావేశాలతో పాటు మోడీ బ్రిటన్, జపాన్, జర్మనీ, ఇటలీలతో ద్వైపాక్షిక సమావేశాలు నిర్వహించనున్నారు.

Read Also:G20 Summit 2023: జీ20 విందుకు రాష్ట్రపతి ఆహ్వానం.. హాజరు కానున్న ఇండియా కూటమి నాయకులు