Business Class at Economy Class Prices: చాలా మందికి విమానంలో ఒక్కసారైనా ప్రయాణిస్తే చాలు అని ఉంటుంది.. అది ఏ క్లాస్ అయినా సరే విమానం ఎక్కితే చాలు అనుకుంటారు.. ఇంకా.. ప్రతి ప్రయాణికుడి బిజినెస్ క్లాస్లో ప్రయాణించడం ఓ కలగా ఉంటుంది.. విశాలమైన సీట్లు, లగ్జరీ భోజనం, ప్రీమియం సేవలు.. ఇలా ఎంజాయ్ చేయాలనుకుంటారు.. కానీ, టికెట్ ధరలు చూసి చాలామంది ఎకానమీ క్లాస్కే పరిమితమవుతుంటారు. అయితే, నిజం ఏమిటంటే.. బిజినెస్ క్లాస్ ప్రయాణం ఇకపై కేవలం ధనవంతులకే పరిమితం కాదు. విమానయాన సంస్థలు ఎలా పనిచేస్తాయో కొంచెం అర్థం చేసుకుని, తెలివిగా ప్లాన్ చేస్తే చాలు.. ఎకానమీ బడ్జెట్లోనే బిజినెస్ క్లాస్ అనుభవం పొందడం సాధ్యం అంటున్నారు.. సాధారణ ప్రయాణికులు గమనించని కొన్ని అవకాశాలను ఎయిర్లైన్స్ తరచూ అందిస్తుంటాయి. ఆ సీక్రెట్స్ ఏంటో ఓసారి చూద్దాం..
సిస్టమ్ లోపాలు మరియు ఎర్రర్ ఫేర్లపై నిఘా
కొన్నిసార్లు సాంకేతిక లోపాలు, కరెన్సీ అప్డేట్లు లేదా సిస్టమ్ మార్పుల వల్ల ఎయిర్లైన్ వెబ్సైట్లలో బిజినెస్ క్లాస్ ఛార్జీలు అకస్మాత్తుగా భారీగా తగ్గిపోతాయి. వీటిని ఎర్రర్ ఫేర్లు అంటారు. ఇలాంటి డీల్స్ ఎక్కువగా అర్థరాత్రి లేదా సిస్టమ్ అప్డేట్ సమయంలో కనిపిస్తాయి. ఆ సమయంలో వేగంగా బుక్ చేస్తే, చాలా సందర్భాల్లో ఎయిర్లైన్స్ టికెట్ను గౌరవించాల్సి వస్తుంది. ఇది వేల రూపాయల ఆదా చేసే అవకాశం అని సూచిస్తున్నారు..
విదేశీ వెబ్సైట్లు మరియు VPNను తెలివిగా వాడడం..
ఒకే ఫ్లైట్ టికెట్ ధర దేశానికి దేశానికి మారుతుందని మీకు తెలుసా? కరెన్సీ మార్పులు, పన్నుల తేడాల వల్ల ఎయిర్లైన్స్ తమ విదేశీ వెబ్సైట్లలో తక్కువ ధరలు చూపిస్తాయి.
VPN ఉపయోగించి మరో దేశం నుంచి బుక్ చేస్తే, అదే బిజినెస్ క్లాస్ టికెట్ తక్కువ ధరకే లభించే అవకాశం ఉంది. ప్రీమియం ప్రయాణాన్ని అందుబాటులోకి తెచ్చే ఈ పద్ధతి చాలా మందికి తెలియదు.. ఓ సారి ఇది కూడా ట్రై చేయండి..
ఫిఫ్త్ ఫ్రీడమ్ ఫ్లైట్స్ ప్రయోజనం
విమానయాన రంగంలో ఫిఫ్త్ ఫ్రీడమ్ రూట్లు చాలా ప్రత్యేకమైనవి. ఒక విదేశీ ఎయిర్లైన్ రెండు దేశాల మధ్య ప్రయాణించే సందర్భంలో ఇవి ఉంటాయి. ఈ రూట్లలో పోటీ ఎక్కువగా ఉండటంతో, బిజినెస్ క్లాస్ సీట్లను నింపేందుకు ఎయిర్లైన్స్ భారీ డిస్కౌంట్లు ఇస్తాయి. ఫలితంగా, మీరు తక్కువ ధరకు అంతర్జాతీయ స్థాయి లగ్జరీ సేవలను ఆస్వాదించవచ్చు.. ఇది కూడా దృష్టి పెట్టుకోవాలి..
మిశ్రమ క్యాబిన్ బుకింగ్ – స్మార్ట్ ట్రిక్
మొత్తం ప్రయాణాన్ని బిజినెస్ క్లాస్లో బుక్ చేయడం ఖరీదైనదే. కానీ, మిక్స్డ్ క్యాబిన్ బుకింగ్ ఎంచుకుంటే ఖర్చు తగ్గుతుంది. దీనిలో ప్రధాన ఫ్లైట్ బిజినెస్ క్లాస్లో ఉండగా, చిన్న కనెక్టింగ్ ఫ్లైట్ ఎకానమీలో ఉంటుంది. దీంతో మీరు బిజినెస్ క్లాస్ లాంజ్, అదనపు సామాను, ప్రీమియం సేవలు పొందుతూనే మొత్తం ఛార్జీలో భారీగా ఆదా చేయవచ్చు అని సూచిస్తున్నారు..
క్రెడిట్ కార్డ్ వోచర్లు మరియు రివార్డ్ పాయింట్లు
చాలా బ్యాంకులు క్రెడిట్ కార్డులపై ఫ్లైట్ అప్గ్రేడ్ వోచర్లు, మైలేజ్ పాయింట్లు అందిస్తాయి. కానీ, చాలా మంది ఇవి గడువు ముగిసే వరకు ఉపయోగించకుండా వదిలేస్తారు.
ఈ వోచర్లను సకాలంలో ఉపయోగిస్తే, ఎకానమీ టికెట్ బుక్ చేసిన తర్వాత కూడా బిజినెస్ క్లాస్కు అప్గ్రేడ్ పొందవచ్చు. సరైన సమయంలో రీడీమ్ చేయడమే ఈ పాయింట్ల అసలు విలువ. అంటే.. బిజినెస్ క్లాస్లో ప్రయాణించడం ఇక కల మాత్రమే కాదు. సరైన సమాచారం, కొంచెం అప్రమత్తత, తెలివైన ప్లానింగ్ ఉంటే.. ఎకానమీ బడ్జెట్తోనే లగ్జరీ విమాన ప్రయాణం మీ సొంతం అవుతుందన్నమాట..