Kalki 2898 AD : ప్రభాస్ ‘కల్కి’ మూవీపై ఎన్నికల ప్రభావం..

పాన్ ఇండియా స్టార్ ప్రభాస్ నటిస్తున్న మోస్ట్ అవైటెడ్ మూవీ “కల్కి 2898 ఏడి “.మహానటి ఫేమ్ నాగ్ అశ్విన్ ఈ సినిమాను తెరకెక్కిస్తున్నారు.వైజయంతి మూవీస్ బ్యానర్ లో ఈ సినిమా సుమారు 500 కోట్ల భారీ బడ్జెట్ తో తెరకెక్కుతున్నట్లు సమాచారం.బిగ్గెస్ట్ సైన్స్ ఫిక్షన్ మూవీ గా తెరకెక్కుతున్న ఈ సినిమా లో అమితాబ్ బచ్చన్ ,కమల్ హాసన్ వంటి లెజెండరీ యాక్టర్స్ నటిస్తున్నారు.ఈ సినిమాలో దీపికా పదుకోన్ ,దిశా పటాని హీరోయిన్స్ గా నటిస్తున్నారు.మే 9 న విడుదల కావాల్సిన కల్కి సినిమా కొన్ని కారణాల వల్ల వాయిదా పడింది. కల్కి సినిమా జూన్ 27న రానుందని ఇటీవల మేకర్స్ ప్రకటించారు.

అయితే ఈ సినిమాకు సంబంధించి పోస్ట్ ప్రొడక్షన్ వర్క్ ఇంకా జరుగుతుంది. అయితే ప్రస్తుతం ఎన్నికల నేపథ్యంలో ఏపీలో ఓటు వేయడానికి హైదరాబాద్ లో జాబ్స్ చేసే ఏపీ ప్రజలు అంతా కూడా ఏపీకి తరలి వెళ్తున్నారు.అయితే ఈ ఎన్నికల ఎఫెక్ట్ కల్కి సినిమాపై పడింది. తాజాగా కల్కి నిర్మాత స్వప్న దత్ తన సోషల్ మీడియాలో డైరెక్టర్ నాగ్ అశ్విన్ తో ఉన్న ఫొటో ఒకటి షేర్ చేసారు. తాజాగా వారిద్దరి మధ్య జరిగిన సంభాషణని ఆమె ఇలా రాసుకొచ్చింది. మన సినిమాకి సీజీ వర్క్ చేస్తున్న వారంతా ఎలక్షన్స్ కోసం వారింటికి వెళ్లిపోయారు అని నాగ్ అశ్విన్ అనగా మరి ఎన్నికల్లో ఎవరు గెలుస్తారేంటి అని స్వప్న అడిగింది. దీనికి నాగ్ అశ్విన్ ఈ ఎన్నికలలో ఎవరు గెలిస్తే నాకెందుకండి, నా సీజీ షాట్స్ ఎప్పుడు వస్తాయనేది నాకు కావాలి అని సమాధానం ఇస్తాడు.ఎన్నికల మూలాన కల్కి సినిమా సిజి వర్క్ ఆగిపోయినట్లు తెలుస్తుంది.