Earthquake : ఆఫ్ఘనిస్తాన్‌లో 30నిమిషాల్లో రెండుసార్లు భూకంపం.. వణికిన మణిపూర్, బెంగాల్

Earthquake : ఆఫ్ఘనిస్థాన్‌లో మంగళవారం రాత్రి భూకంపం సంభవించింది. ఆఫ్ఘనిస్థాన్‌లోని ఫైజాబాద్‌కు తూర్పున 126 కిలోమీటర్ల దూరంలో భూకంపం సంభవించినట్లు జాతీయ భూకంప కేంద్రం తెలిపింది. దీని తీవ్రత రిక్టర్ స్కేలుపై 4.4గా నమోదైంది. అరగంట తరువాత భూమి లోపల మరోసారి కదలిక కనిపించింది. ఆఫ్ఘనిస్థాన్‌కు తూర్పున 100 కిలోమీటర్ల దూరంలో ఈ భూకంపం సంభవించింది. రిక్టర్ స్కేలుపై దీని తీవ్రత 4.8గా నమోదైంది. భారతదేశంలోని పశ్చిమ బెంగాల్‌లోని అలీపుర్‌దువార్‌లో కూడా భూకంపం సంభవించింది. ఈ భూకంప తీవ్రత రిక్టర్ స్కేలుపై 3.5గా నమోదైంది. దీనితో పాటు మణిపూర్‌కు నైరుతి దిశలో 26 కిలోమీటర్ల దూరంలోని ఉఖ్రుల్‌లో కూడా భూకంపం సంభవించింది. జాతీయ భూకంప శాస్త్ర కేంద్రం ప్రకారం, రిక్టర్ స్కేల్‌పై దీని తీవ్రత 3.0గా నమోదైంది. అంతకుముందు నవంబర్ 2023లో ఆఫ్ఘనిస్తాన్‌లో భూకంపం సంభవించింది. ఫైజాబాద్‌కు తూర్పున 328 కిలోమీటర్ల దూరంలో 4.5 తీవ్రతతో భూకంపం సంభవించిందని, దీని కేంద్రం భూమికి 10 కిలోమీటర్ల లోతులో ఉందని జాతీయ భూకంప కేంద్రం తెలిపింది.

Read Also:Hit-And-Run Law: కేంద్రంతో చర్చల అనంతరం సమ్మె విరమించిన ట్రక్ డ్రైవర్లు..

నవంబర్ 2023కి ముందు కూడా ఆఫ్ఘనిస్తాన్‌లో చాలాసార్లు భూకంపాలు సంభవించాయి. అక్టోబర్‌లో హెరాత్ భూకంపం కారణంగా 4000 మందికి పైగా మరణించారు. వేలాది ఇళ్లు ధ్వంసమయ్యాయి. భూకంపం శక్తివంతమైన ప్రకంపనలు హెరాత్, పరిసర ప్రాంతాలను వణికించాయి. ఈ భూకంప తీవ్రత 6.3గా నమోదైంది. నేపాల్‌లో సోమవారం బలమైన భూకంపం సంభవించింది. సింధుపాల్‌చోక్‌లోని లిస్టికోట్‌లో భూకంప కేంద్రం ఉంది. ఆదివారం రాత్రి ఇక్కడ భూకంపం సంభవించింది, దీని తీవ్రత రిక్టర్ స్కేలుపై 5.0గా నమోదైంది. అయితే ఎలాంటి ప్రాణ, ఆస్తి నష్టం జరగలేదు.

Read Also:CM Revanth Reddy : 36 నెలల్లో మూసీ నదీ పరివాహక అభివృద్ధి