Uday Kiran Dead Reason: ఉదయ్ కిరణ్ ఎందుకు చనిపోయాడో నాకు తెలుసు
Uday Kiran Dead Reason: టాలీవుడ్ లవర్ బాయ్ ఇమేజ్ తెచ్చుకున్న ఉదయ్ కిరణ్ అకస్మాత్తుగా చనిపోయేందుకు కారణం ఎంటో తనకు తెలుసంటూ డైరక్టర్ తేజ సంచలన వ్యాఖ్యలు చేశారు. ఇప్పుడు ఇదే విషయం హాట్ టాపిక్ గా మారింది. చిత్రం, నువ్వు నేను, మనసంతా నువ్వే వంటి చిత్రాలతో బ్లాక్ బస్టర్ చిత్రాల్లో నటించిన ఉదయ్ కిరణ్కి అప్పట్లో లేడీ ఫాలోయింగ్ ఓ రేంజ్లో ఉండేది. అయితే తర్వాత జరిగిన పరిణామాల క్రమంలో ఆయన సినిమాలు ఫ్లాప్ అయ్యాయి. ఆ సమయంలోనే విషిత అనే అమ్మాయిని పెళ్లి చేసుకున్నారు. సినిమాల సక్సెస్ సంగతి సరే, తన కెరీర్ ఎలాగో సాగుతుంది అనుకుంటుండగా ఉదయ్ కిరణ్ అర్థాంతరంగా తనువు చాలించారు. ఉదయ్ సూసైడ్ ఫ్యాన్స్తో పాటు ఇండస్ట్రీలో చాలా మందికి బాధను కలిగించింది.
Read Also: CM Priyamani : ముఖ్యమంత్రి రేసులో హీరోయిన్ ప్రియమణి.. ఆల్ ది బెస్ట్ అంటున్న అభిమానులు
ఈ క్రమంలో ఉదయ్ కిరణ్ సూసైడ్ పై చాలా మంది కామెంట్స్ చేస్తారు. కానీ.. కచ్చితమైన కారణాలను ఎవరూ చెప్పలేదు. అయితే దర్శకుడు తేజ మాత్రం రీసెంట్ ఇంటర్వ్యూలో ఈ విషయంపై స్పందించారు. ఉదయ్ కిరణ్ ఆత్మహత్య ఎందుకు చేసుకున్నారో తనకు తెలుసని, తను ఆత్మహత్య చేసుకోవటానికి కొన్ని రోజుల ముందు తనకు ఫోన్ చేసి చాలా విషయాలు చెప్పారని అన్నారు. ఉదయ్ కిరణ్ ఎలాంటి తప్పు చేయలేదని, తనకు ఆ ధైర్యం లేదని చెప్పిన తేజ.. తాను చనిపోయే లోపు ఏదో ఒక సమయంలో ఆ విషయాన్ని బయట పెడతానని అన్నారు. చిత్రం సినిమా ద్వారా ఉదయ్ కిరణ్ ను తేజ హీరోగా పరిచయం చేశారు. తర్వాత నువ్వు నేను చిత్రంతో మరో బ్లాక్ బస్టర్ హిట్ అందించాడు. ఆ తర్వాత ఉదయ్ కిరణ్ మనసంతా నువ్వే సక్సెస్తో టాప్ హీరోగా ఎదిగాడు. తేజ ప్రస్తుతం దర్శకత్వం చేసిన అహింస సినిమా రిలీజ్ కానుంది. ఇందులో దగ్గుబాటి హీరో అభిరామ్ హీరోగా పరిచయం అవుతున్నారు.