కోలీవుడ్ స్టార్ హీరో సూర్య, టాలెంటెడ్ డైరెక్టర్ ఆర్జే బాలాజీ కాంబినేషన్లో వస్తున్న మోస్ట్ ఎవైటెడ్ మూవీ ‘కరుప్పు’. ఈ సినిమా షూటింగ్ అలాగే విడుదల గురించి సోషల్ మీడియాలో వస్తున్న రకరకాల వార్తలపై దర్శకుడు ఆర్జే బాలాజీ స్పందించారు. సినిమా పనులు పూర్తయ్యాయని, విడుదలకు సిద్ధంగా ఉందని చెబుతూనే ఫ్యాన్స్కు కీలక సమాచారం అందించారు.
Also Read : Dhanush : ధనుష్ ఖాతాలో క్రేజీ లైనప్స్ అండ్ డైరెక్టర్స్
ఈ సినిమా గురించి ఆర్జే బాలాజీ ఏమన్నారంటే.. “ప్రస్తుతం ప్రేక్షకులు సినిమాలను చాలా లోతుగా విశ్లేషిస్తున్నారు. అందుకే మేము భారీ బిల్డప్లు ఇచ్చి అంచనాలను విపరీతంగా పెంచాలని అనుకోవడం లేదు. సినిమా చాలా బాగా వచ్చింది, ఖచ్చితంగా మీ అందరికీ నచ్చుతుంది. గతంలో అజిత్ ‘వలిమై’ అప్డేట్ కోసం అభిమానులు ఎలాగైతే వేచి చూశారో, ఇప్పుడు ‘కరుప్పు’ అప్డేట్ కోసం కూడా అలాగే అడుగుతున్నారు. తమిళనాడు శాసనసభ ఎన్నికల నేపథ్యంలో, ఈ చిత్రాన్ని ఎన్నికల తర్వాత సమ్మర్ కానుకగా విడుదల చేస్తాము. కేవలం మాస్ ప్రేక్షకులే కాకుండా, ఫ్యామిలీ ఆడియన్స్, కాలేజ్ స్టూడెంట్స్ మరియు స్కూల్ పిల్లలు తమ తల్లిదండ్రులతో కలిసి ఎంజాయ్ చేసేలా ఈ సినిమా ఉంటుందని’ అన్నారు. సూర్య సరసన త్రిష నటిస్తున్న ఈ చిత్రానికి జి.కె. విష్ణు సినిమాటోగ్రఫీ అందిస్తుండగా, సాయి అభ్యంకర్ సంగీతాన్ని సమకూరుస్తున్నారు. డ్రీమ్ వారియర్ పిక్చర్స్ ఈ భారీ బడ్జెట్ చిత్రాన్ని నిర్మిస్తోంది.
