Dussehra 2026 : బాక్సాఫీస్ వద్ద బిగ్ ఫైట్.. బరిలో ప్రభాస్, బాలయ్య, శివకార్తికేయన్

టాలీవుడ్‌లో పండుగ సీజన్ అంటేనే సినిమాల జాతర. ముఖ్యంగా దసరా నవరాత్రులకు బాక్సాఫీస్ వద్ద భారీ చిత్రాలు పోటీ పడటం ఆనవాయితీ. అయితే 2026 దసరా రేసు అప్పుడే హీటెక్కిపోతోంది. అగ్ర హీరోల నుంచి యంగ్ స్టార్స్ వరకు తమ చిత్రాలను దసరా కానుకగా విడుదల చేసేందుకు లైన్ కట్టేశారు. ఇప్పటికే పలువురు మేకర్స్ అధికారికంగా తమ విడుదల తేదీలపై క్లారిటీ ఇచ్చేయడంతో అభిమానుల్లో ఆసక్తి నెలకొంది.

Also Read : Kiran Abbavaram : కిరణ్ అబ్బవరంతో డియర్ కామ్రేడ్ దర్శకుడు భరత్ కమ్మ

‘గాడ్ ఆఫ్ మాసెస్’ నందమూరి బాలకృష్ణ హీరోగా గోపీచంద్ మలినేని కాంబోలో వస్తున్న ‘NBK111’ కూడా దసరా బరిలోనే నిలవనుంది. ‘వీరసింహారెడ్డి’ వంటి బ్లాక్ బస్టర్ తర్వాత వస్తున్న ఈ చిత్రంపై భారీ అంచనాలు ఉన్నాయి. ముందుగా రెబల్ స్టార్ ప్రభాస్ హీరోగా హను రాఘవపూడి దర్శకత్వంలో తెరకెక్కుతున్న పీరియాడికల్ వార్ డ్రామా ‘ఫౌజీ’ అక్టోబర్ 16న దసరా కానుకగా విడుదల కానుంది. ఇక కుర్ర హీరోలు రోషన్ మేక తన తర్వాతి చిత్రం ‘ఏమో ఏమో ఇది’ తో దసరాకు సందడి చేయబోతున్నారు. ‘హిట్’ ఫేమ్ శైలేష్ కొలను దర్శకత్వంలో వస్తున్న ఈ ప్యూర్ లవ్ స్టోరీ టీజర్ ఇటీవల విడుదలై పాజిటివ్ వైబ్స్ క్రియేట్ చేసింది. వీటితో పాటు కోలీవుడ్ స్టార్ శివకార్తికేయన్ నటిస్తున్న ‘శేయోన్‘ కూడా అక్టోబర్ రేసులో ఉంది. కమల్ హాసన్ నిర్మాణంలో రూపుదిద్దుకుంటున్న ఈ చిత్రం గ్రామీణ నేపథ్యంలో సాగే పవర్‌ఫుల్ డ్రామాగా రాబోతోంది. వీటితో పాటు మరికొన్ని క్రేజీ ప్రాజెక్టులు కూడా దసరా రిలీజ్ వైపు మొగ్గు చూపుతున్నాయి. అక్టోబర్ నెలలో ఏ సినిమా విజేతగా నిలుస్తుందో, ఇంకా ఏయే చిత్రాలు ఈ రేసులో వచ్చి చేరుతాయో చూడాలి.