Dandora OTT: ‘దండోరా’ ఓటీటీ రిలీజ్ డేట్ లాక్.. స్ట్రీమింగ్ ఎక్కడంటే?

మురళీ కాంత్ దేవసోత్ దర్శకత్వంలో శివాజీ, నవదీప్, నందు, బిందు మాధవి మరియు రవి కృష్ణ ప్రధాన పాత్రల్లో నటించిన చిత్రం ‘దండోరా’. జస్ట్ 2 మినిట్స్ బ్యానర్‌పై రవీంద్ర బెనర్జీ ముప్పనేని నిర్మించిన ఈ విలేజ్ డ్రామా డిసెంబర్ 25, 2025 న థియేటర్లలో విడుదలై ప్రేక్షకులను విశేషంగా ఆకట్టుకుంటోంది. కులం, అహంకారం మరియు సామాజిక హోదా చుట్టూ తిరిగే గ్రామస్తుల మధ్య సంఘర్షణలు ఈ చిత్రం కళ్లకు కట్టినట్లు చూపించారు.

Also Read : RGV : రాజా సాబ్ ఈవెంట్ లో హీరోయిన్ల డ్రెస్సింగ్‌పై.. దర్శకుడు వర్మ సెన్సేషనల్ ట్వీట్!

అత్యంత సామాన్యమైన గొడవలు ఒక సమాజం యొక్క నమ్మకాలను, మానవత్వాన్ని ఎలా ప్రభావితం చేస్తాయనేది ఈ సినిమా కథాంశం. ప్రేమ, అన్యాయం మరియు మనుగడ కోసం చేసే పోరాటాన్ని చూపిస్తూనే, ఒక గ్రామంలో చిన్న సంఘటన కూడా ఎంతటి సంచలనాన్ని (దండోరా) సృష్టిస్తుందో దర్శకుడు ఈ చిత్రంలో అద్భుతంగా చిత్రీకరించారు. అయితే తాజాగా ఈ సినిమా డిజిటల్ విడుదల తేదీ ఖరారైంది. జనవరి మూడవ వారం నుండి ప్రముఖ ఓటీటీ ప్లాట్‌ఫారమ్ అమెజాన్ ప్రైమ్ వీడియోలో ఈ చిత్రం స్ట్రీమింగ్ కానుందట. థియేటర్లలో మిస్ అయిన వారు త్వరలోనే ప్రైమ్ వీడియోలో ఈ మూవీని ఆస్వాదించవచ్చు.