Dacoit Overseas Review : డెకాయిట్ ఓవర్శీస్ రివ్యూ.. సగం ఉడికిన ప్రేమ వ్యధ

 టాలీవుడ్ యంగ్ అండ్ టాలెంటెడ్ హీరో అడివి శేష్ నుంచి సినిమా వస్తుందంటే ప్రేక్షకుల్లో ఒక రకమైన అంచనా ఉంటుంది. థ్రిల్లర్ సినిమాలకు కేరాఫ్ అడ్రస్‌గా మారిన  శేష్ ఈసారి ‘డెకాయిట్‘ అనే ఒక యాక్షన్ లవ్ స్టోరీతో ప్రేక్షకుల ముందుకు వచ్చారు. గత రాత్రి ప్రీమియర్స్ తో రిలీజ్ అయినా ఈ సినిమా ఓవర్సీస్ టాక్ ఎలా ఉందంటే…

సినిమా ప్రారంభం కాస్త నెమ్మదిగా  మొదలై  మొదటి 30 నిమిషాల వరకు వచ్చే లవ్ స్టోరీ  ఉంటుంది కానీ అందులో ఎమోషన్ ఉండదు. అనవసరమైన పాటలు సినిమా వేగాన్ని అడ్డుకున్నట్లు అనిపిస్తుంది. అయితే ఆ తర్వాత సినిమా పుంజుకుని కొద్దిసేపటికే స్లో అవుతుంది. కొన్ని సన్నివేశాలు చాలా చక్కగా రాసుకున్నప్పటికీ ఎడిటింగ్ స్టైల్ మాత్రం అడివి శేష్ గత సినిమాలనే గుర్తుచేస్తుంది. ముఖ్యంగా ‘క్షణం’, ‘గూఢచారి’ వంటి సినిమాల ఛాయలు ఇందులో స్పష్టంగా కనిపిస్తాయి, దీనివల్ల కొన్ని సీన్లు ఊహించే విధంగా ఉండి కొత్తదనం లోపించినట్లు అనిపిస్తుంది. కానీ అనురాగ్ కశ్యప్ నుండి అతుల్ కులకర్ణి వరకు ఎవరూ చెప్పుకోదగ్గ ముద్ర వేయలేకపోయారు. అయితే  ఈ సినిమా సాంకేతికంగా బలంగా ఉన్నప్పటికీ కథా కథనాల విషయంలో చాలా డల్ గా ఉంది. ‘హెల్ ఆఫ్ హై వాటర్’ అనే హాలీవుడ్ సినిమాలోని చాలా సీన్స్ ను వాడుకున్నారు.

అడివి శేష్ ఎప్పటిలాగే తన పాత్రకు పూర్తి న్యాయం చేశారు. కానీ శేష్ పలికిన రాయలసీమ యాస ఇబ్బంది పెడుతుంది. మృణాల్ ఠాకూర్ కు మంచి రోల్ పడింది. తన పర్ఫామెన్స్ తో అదరగొట్టింది. శేష్ కంటే మృణాల్ దే కీలక పాత్ర. వారిద్దరి మధ్య కెమిస్ట్రీ పర్వాలేదనిపించినా బలహీనమైన రైటింగ్ వల్ల అది పెద్దగా హైలైట్ కాలేదు. టెక్నికల్ గా ఈ సినిమాకు అతిపెద్ద బలం సినిమాటోగ్రఫీ, ప్రొడక్షన్ డిజైన్ చాలా రిచ్‌గా ఉన్నాయి. అయితే దర్శకుడు కథలోని ట్విస్టులపై పెట్టిన శ్రద్ధ వాటిని బలంగా పండించడంలో విఫలమయ్యారు. ముఖ్యంగా క్లైమాక్స్ ట్విస్ట్ మరీ అతిగా అనిపించి రియాలిటీకి దూరంగా ఉంది.  ఒక్క మాటలో చెప్పలంటే ‘డెకాయిట్’ ఒక బిలో యావరేజ్ యాక్షన్ లవ్ స్టోరీ. శేష్ తన జోనర్ దాటి చేసి దొరికిపోయాడు, కమర్షియల్ సినిమాలు శేష్ చేయలేడెమోనని ఈ సినిమాలో శేష్ స్లాంగ్ చూస్తే అర్ధం అవుతుంది.