Chennai : చెన్నై సెక్స్ వర్కర్ హత్య కేసు.. ఆర్థిక కారణాలే అని దర్యాప్తులో వెల్లడి

Chennai : చెన్నైలోని తురైపాక్కంలోని ఓ నిర్మాన స్థలంలో సూట్‌కేస్‌లో ఒక మహిళ ఛిద్రమైన మృతదేహం బయటపడిన సంగతి తెలిసిందే. చెన్నైలోని మనాలి ప్రాంతానికి చెందిన 32 ఏళ్ల దీపగా గుర్తించారు. గురువారం ఉదయం 9.30 గంటలకు ఆమె మృతదేహాన్ని కనుగొన్నారు. తక్షణమే పోలీసులు తమ దర్యాప్తును ప్రారంభించారు. సూట్‌కేస్ నుండి రక్తం కారడాన్ని గుర్తించిన బాటసారులు స్థానిక పోలీసులకు సమాచారం అందించారు. సీసీటీవీ ఫుటేజీ సాయంతో నిందితుడిని గుర్తించారు. విచారణలో అధికారులు నేరస్థలం నుండి కేవలం 100 మీటర్ల దూరంలో నివసించిన 23 ఏళ్ల మణికందన్‌ను అరెస్టు చేశారు. ఆ ప్రాంతంలోని సీసీటీవీ ఫుటేజీని పరిశీలించడం ద్వారా దీపా హత్యతో అతనికి సంబంధం ఉందని గుర్తించారు.

పోలీసుల విచారణలో ఆర్థిక విభేదాల కారణంగానే దీపను హత్య చేసినట్లు మణికందన్ అంగీకరించినట్లు తెలుస్తోంది. మొదట ఆమెను సుత్తితో కొట్టి ఆ తర్వాత మృతదేహాన్ని ముక్కలుగా కోసి సూట్‌కేస్‌లో దాచిపెట్టాడని తేలింది. తదుపరి విచారణలో దీప సెక్స్ వర్కర్ అని, మణికందన్‌కు బ్రోకర్ ద్వారా పరిచయం ఏర్పడిందని తెలిసింది. ఆమె ఇంటికి తిరిగి రాకపోవడంతో దీప సోదరుడు ఫిర్యాదు చేయడంతో ఈ వివరాలు బయటపడ్డాయి. దీప హత్యతో చెన్నై ఉలిక్కిపడింది. నగరంలో నేరాల చీకటి అండర్ బెల్ ను బహిర్గతం చేసింది. విచారణ ఇంకా కొనసాగుతున్నందున, దీప హత్యకు దారితీసిన మరేమైనా సంఘటనలు ఉన్నాయా అనే వివరాలను తెలుసుకునేందుకు పోలీసులు ప్రయత్నిస్తున్నారు.