Brazil Man : పెళ్లాం విడాకులిచ్చిందన్న ఆనందంతో దూకాడు.. ఆస్పత్రిలో పడ్డాడు

Brazil Man : ప్రస్తుతం విడాకులను సెలబ్రేట్ చేసుకోవడం ఓ ట్రెండ్ అయింది. ఈ మధ్య ఓ నటి తన విడాకుల వేడుకను సెలబ్రేట్ చేసుకుని ఫోటోలను ఇన్ స్టా గ్రామ్ లో పోస్ట్ చేసింది. దీంతో ఆ ఫోటోలు వైరల్ అయ్యాయి. విడాకుల వేడుక చేసుకునేందుకు ప్రయత్నించి ప్రాణాలపైకి తెచ్చుకున్నాడు. విడాకులు వచ్చేశాయన్న సంబరంలో ఆ యువకుడు సాహసం చేశాడు. కానీ అదృష్టం బాగోలేకపోవడంతో ఆ యువకుడికి ఊహించని ప్రమాదం ఎదురైంది. 70 అడుగుల ఎత్తు నుంచి పడిపోవడంతో అతడి మెడ, వెన్నుముక విరిగి ఆస్పత్రిపాలయ్యాడు. ఈ ఘటన బ్రెజిల్లో వెలుగు చూసింది.

Read Also:Bombay High Court: 80 ఏళ్ల న్యాయ పోరాటం.. 93 ఏళ్ల వయసులో మహిళ విజయం..

వివరాల్లోకి వెళితే.. రాఫేల్ డాస్ సొంటోస్(22) అనే యువకుడికి ఈ ఏడాది జనవరిలో విడాకులు మంజూరయ్యాయి. దీంతో, సంబరపడిపోయి.. ఇక ఫ్యూచర్లో జీవితాన్ని పరిపూర్ణంగా ఆనందించాలనుకున్నాడు. ఈ క్రమంలోనే ఫిబ్రవరి 11న కాంపో మాగ్రో ప్రాంతంలోని ఓ సరస్సుకు వెళ్లాడు. అక్కడున్న వంతెన పైనుంచి బంగీ జంప్ చేయాలని అనిపించింది. ‌తన కాళ్లకు తాడు కట్టుకుని బ్రిడ్జిపై నుంచి దూకాడు. దురదృష్టవశాత్తూ కాళ్లకు ఉన్న తాడు తెగిపోవడంతో అతడు 70 అడుగుల ఎత్తు నుంచి తలకిందులుగా పడ్డాడు. ఈ ప్రమాదంలో అతడి మెడ, వెన్నుముక విరిగిపోయాయి. అదృష్టవశాత్తూ ప్రాణాలతో బయటపడ్డాడు. ఇప్పుడిప్పుడే ఆ గాయాల నుంచి కోలుకుంటున్న అతడు తన జీవితం పూర్తిగా మారిపోయిందని మీడియాకు ఇచ్చిన ఇంటర్వ్యూలో వాపోయాడు. ‘‘ఒకప్పుడు నేను చాలా ప్రశాంతంగా ఉండేవాడిని. ప్రస్తుతం నా పరిస్థితి గుర్తు పట్టలేనంతగా మారిపోయింది’’ అని ఆవేదన వ్యక్తం చేశాడు.

Read Also:Telangana martyrs memorial: రాజధానికి మరో మణిహారం.. త్వరలో ప్రారంభించనున్న కేసీఆర్