Ishita Raj about Hardik Pandya: టీమిండియా స్టార్ ఆల్రౌండర్ హార్దిక్ పాండ్యా, బాలీవుడ్ నటి నటాసా స్టాంకోవిచ్ విడాకులు తీసుకున్న విషయం తెలిసిందే. అప్పటి నుంచి హార్దిక్ హెడ్లైన్స్లో ఉంటున్నాడు. అనంత్ అంబానీ వివాహ సమయంలో నటి అనన్య పాండేతో డేటింగ్ చేస్తున్నట్లు వార్తలు వచ్చాయి. కొన్ని రోజుల క్రితం గాయని జాస్మిన్ వాలియాతో హార్దిక్ డేటింగ్ చేస్తున్నాడనే వార్తలు కూడా వచ్చాయి. తాజాగా బాలీవుడ్ నటి ఇషితా రాజ్ చేసిన కామెంట్స్ కారణంగా మరోసారి హార్దిక్ పేరు సోషల్ మీడియాలో వైరల్ అయింది.
ఇషితా రాజ్ తాజాగా ఫిల్మిగ్యాన్కి ఇంటర్వ్యూ ఇచ్చారు. ఈ సందర్భంగా హార్దిక్ పాండ్యాపై ఓ ప్రశ్న అడగగా.. అతడిపై తనకున్న ప్రేమను వ్యక్తం చేశారు. ‘హార్దిక్ పాండ్యా అంటే నాకు చాలా ఇష్టం. అతడు అద్భుతమైన క్రికెట్ ఆల్రౌండర్. హార్దిక్ బ్యాటింగ్ చూడటం చాలా బాగుంటుంది. హార్దిక్ అంటే పిచ్చి. అతడిని నేను ప్రేమిస్తున్నాను. నా అభిమాన క్రికెటర్లలో హార్దిక్ ఒకడు’ అని ఇషితా చెప్పారు. ఇందుకు సంబందించిన వీడియో సోషల్ మీడియాలో వైరల్ అవుతోంది.
Also Read: Actor Jayasurya: లైంగిక వేధింపుల ఆరోపణలు.. నటుడు జయసూర్యపై రెండో కేసు నమోదు!
34 ఏళ్ల ఇషిత రాజ్ ఢిల్లీ నివాసి. గార్గి కళాశాలలో గ్రాడ్యుయేషన్ పూర్తి చేసి.. ఇంగ్లాండ్లో బిజినెస్పై పోస్ట్ గ్రాడ్యుయేషన్ చేశారు. 2011లో ‘ప్యార్ కా పంచ్నామా’ సినిమాతో బాలీవుడ్లోకి ఇషిత అడుగుపెట్టారు. ఈ సినిమా ఆమెకు మంచి గుర్తింపు తెచ్చిపెట్టింది. ఆ తరువాత ‘సోను కే టిటు కి స్వీటీ’తో మరో హిట్ ఆమె ఖాతాలో చేరింది. ఇప్పటి వరకు 9 సినిమాలు చేసిన ఇషిత.. ఇటీవల వచ్చిన వైల్డ్ వైల్డ్ పంజాబ్లో కీలక పాత్ర చేశారు.