Black Jamun Jam: ప్రిజర్వేటివ్స్ అవసరం లేకుండానే.. 6 నెలలు నిల్వ ఉండే ‘నేరేడు జామ్’ ఇంట్లోనే చేయండి ఇలా.!
- Follow Us :
-
-
Add as a preferred
source on google
Black Jamun Jam: నేరేడు పండ్లు ఆరోగ్యానికి ఎంతో మేలు చేస్తాయి. ఇందుకు కారణం ఇందులో యాంటీ ఆక్సిడెంట్లు, విటమిన్లు, ఖనిజాలు సమృద్ధిగా ఉండటంతో రోగనిరోధక శక్తిని పెంచడంలో సహాయపడతాయి. సాధారణంగా ఈ పండ్లను నేరుగా తింటారు. అయితే వీటితో ఇంట్లోనే ఎటువంటి రసాయన ప్రిజర్వేటివ్స్ ఉపయోగించకుండా రుచికరమైన జామ్ను కూడా తయారు చేసుకోవచ్చు. ఈ జామ్ను బ్రెడ్, చపాతీ, దోశలతో కలిపి తింటే ఎంతో రుచిగా ఉంటుంది. సరైన విధానంలో తయారు చేసి భద్రపరిస్తే ఇది ఆరు నెలల వరకు తాజాగా నిల్వ ఉంటుంది.
కావలసిన పదార్థాలు:
* నేరేడు పండ్లు – 500 గ్రాములు.
* చక్కెర – 400 గ్రాములు.
* నిమ్మరసం – 1 నుంచి 2 టేబుల్ స్పూన్లు.
* నీరు – తగినంత.
Also Read
- Monkey Repellent Tips : ఇంటిపైకి కోతులు వస్తున్నాయా?.. ఈ చిన్న చిట్కాలతో వాటికి చెక్ పెట్టండి
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
- Dosa Making Tips : దోస వేసే ముందు పెనంపై నీళ్లు ఎందుకు చల్లుతారు?.. దీని వెనుక ఉన్న అసలు సీక్రెట్ ఇదే!
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
తయారీ విధానం:
* ముందుగా అల్ల నేరేడు పండ్లను బాగా కడిగి శుభ్రం చేసుకోవాలి. ఆ తర్వాత కుక్కర్ లేదా మందపాటి గిన్నెలో పండ్లను వేసి అవి మునిగేంత వరకు నీరు పోయాలి. కుక్కర్లో అయితే హై ఫ్లేమ్పై 2 నుంచి 3 విజిల్స్ వచ్చే వరకు ఉడికించాలి. గిన్నెలో అయితే పండ్లు మెత్తబడే వరకు ఉడికించుకోవాలి.
* పండ్లు బాగా ఉడికిన తర్వాత వాటిని పూర్తిగా చల్లారనివ్వాలి. చల్లారిన తర్వాత చేత్తో నలిపి గింజలను వేరు చేయాలి. ఇప్పుడు మిగిలిన పండ్ల గుజ్జు, ఉడికించిన నీటిని మిక్సీ జార్లో వేసి మెత్తగా బ్లెండ్ చేసుకోవాలి.
* ఈ మిశ్రమాన్ని మందపాటి కడాయి లేదా గిన్నెలోకి తీసుకుని స్టవ్పై ఉంచాలి. మొదట మీడియం మంటపై మరగనివ్వాలి. ఆ తర్వాత మంటను తగ్గించి సన్నని మంటపై ఉంచి కలుపుతూ ఉడికించాలి. పండ్లలో సహజంగా ఉండే పెక్టిన్ విడుదలై మిశ్రమం కొద్దిగా చిక్కబడిన తర్వాత చక్కెరను జత చేయాలి.
* చక్కెర పూర్తిగా కరిగిన తర్వాత జామ్ మిశ్రమం కొద్దిసేపు పలచబడుతుంది. కాబట్టి చిన్న మంటపైనే నిరంతరం కలుపుతూ ఉండాలి. అడుగంటకుండా జాగ్రత్త పడుతూ జామ్ చిక్కబడే వరకు ఉడికించాలి.
జామ్ సిద్ధమైందో లేదో ఎలా తెలుసుకోవాలి?
జామ్ సరైన పాకానికి వచ్చిందో లేదో తెలుసుకోవడానికి ప్లేట్ టెస్ట్ చేయాలి. ఒక ప్లేట్లో కొద్దిగా జామ్ వేసి కాస్త వంచి చూడాలి. జామ్ నుంచి నీరు విడిగా రాకుండా, ఒకే దగ్గర గట్టిగా ఉంటే సరైన పాకం వచ్చినట్టే. ఒకవేళ పలచగా అనిపిస్తే మరికొంతసేపు ఉడికించాలి.
నిమ్మరసం ఎందుకు వేయాలి?
జామ్ సరైన దశకు వచ్చిన తర్వాత స్టవ్ ఆఫ్ చేసే ముందు నిమ్మరసం వేసి బాగా కలపాలి. నిమ్మరసం జామ్లోని చక్కెర స్ఫటికాలుగా మారకుండా నిరోధించడమే కాకుండా సహజ ప్రిజర్వేటివ్గా పనిచేస్తుంది. దీంతో జామ్ ఎక్కువకాలం తాజాగా నిల్వ ఉంటుంది.
భద్రపరిచే విధానం:
తయారైన జామ్ను పూర్తిగా చల్లారనివ్వాలి. ఆ తర్వాత తడి లేని, శుభ్రమైన గాజు సీసాలో నిల్వ చేయాలి. సీసాలోకి నీరు లేదా తేమ చేరకుండా జాగ్రత్తపడితే ఈ జామ్ను ఫ్రిజ్లో పెట్టకుండానే సుమారు ఆరు నెలల వరకు తాజాగా ఉపయోగించుకోవచ్చు. ఇలా ఇంట్లోనే సులభంగా తయారయ్యే నేరేడు జామ్ రుచికరంగా ఉండటమే కాకుండా ఆరోగ్యానికి కూడా ఎంతో మేలు చేస్తుంది. పిల్లల నుంచి పెద్దల వరకు అందరూ ఇష్టపడే ఈ జామ్ను ఒకసారి తప్పకుండా తయారు చేసి రుచి చూడండి.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..