Road Accident : ఉత్తరప్రదేశ్లోని హాపూర్ జిల్లాలో ఘోర ప్రమాదం జరిగింది. సోమవారం అర్థరాత్రి కారును ట్రక్కును ఢీకొంది. ఈ ప్రమాదంలో ఆరుగురు మృతి చెందారు. కారు ధ్వంసమైంది. పోలీసులు సంఘటనా స్థలానికి చేరుకుని చాలా శ్రమించి కారులోంచి మృతదేహాలను బయటకు తీశారు. హాపూర్ జిల్లాలోని జాతీయ రహదారి 09పై అల్లాభక్ష్పూర్ టోల్ ప్లాజా సమీపంలో.. కారు అదుపు తప్పి డివైడర్ను దాటి అవతలి వైపుకు చేరుకుంది. ఎదురుగా వస్తున్న లారీని ఢీకొట్టింది. కారులో ఉన్న ఆరుగురు దుర్మరణం చెందారు.
Read Also:PM Modi Nomination: ప్రధాని మోడీ నామినేషన్ కార్యక్రమానికి చంద్రబాబు, పవన్ కళ్యాణ్..!
ప్రమాదం తర్వాత కారు చిన్న ముక్కలైంది. ప్రమాదం జరిగిన తర్వాత ఘటనా స్థలానికి చేరుకున్న పోలీసులు, బాటసారులు తీవ్రంగా శ్రమించి అందరినీ బయటకు తీశారు. ఈ సమయంలో ఆ దృశ్యాన్ని చూసి జనం వణికిపోయారు. పోలీసులు తెలిపిన వివరాల ప్రకారం.. రాత్రి 12.30 గంటల ప్రాంతంలో ఘజియాబాద్ నుంచి మొరాదాబాద్ వైపు కారు వెళ్తోంది. కారు అల్లాభక్ష్పూర్ టోల్ప్లాజా సమీపంలోకి రాగానే అతివేగం కారణంగా ఒక్కసారిగా అదుపు తప్పింది. కారు డివైడర్ను దాటి హైవే అవతలి వైపుకు చేరుకుని ఎదురుగా వస్తున్న లారీని ఢీకొట్టింది.
Read Also:Sushil modi: సుశీల్ మోడీ మృతిపై ప్రధాని, రాష్ట్రపతి సహా పలువురి సంతాపం
ఢీకొన్న వెంటనే కారు ఒక్కసారిగా ఎగిరిపోవడంతో కారులో ఉన్నవారు ఇరుక్కుపోయారు. ప్రజల సాయంతో పోలీసులు చాలా శ్రమించి కారులోని వ్యక్తులను బయటకు తీశారు. ఈ ప్రమాదంలో ఆరుగురు అక్కడికక్కడే మృతి చెందారు. మృతుల్లో అనుపమ్, అంకిత్, జీతు, శంకర్, సందీప్, గుర్తు తెలియని వ్యక్తి ఉన్నారు. మీరట్లోని దలుహెరా నివాసి సచిన్ తీవ్రంగా గాయపడగా, అతన్ని మీరట్కు తరలించారు. మృతులు ఘజియాబాద్లోని లోనీ ప్రాంతానికి చెందిన వారు. మృతుడి వయస్సు 30 ఏళ్ల మధ్య ఉంటుందని తెలిపారు. అందరూ ఘజియాబాద్ నుండి మొరాదాబాద్ వెళ్తున్నారు.