Gunfire : అమెరికాలో ఇంట్లోకి చొరబడి ముగ్గురు వ్యక్తుల హత్య.. కస్టడీలో అనుమానితుడు

Gunfire : కాలిఫోర్నియాలోని ఓ ఇంట్లో బుధవారం రాత్రి ముగ్గురు వ్యక్తులు దారుణహత్యకు గురయ్యారు. ఈ కేసులో అనుమానాస్పద వ్యక్తిని పోలీసులు అదుపులోకి తీసుకున్నారు. గురువారం కాల్పులకు గల కారణాలను ప్రస్తుతం దర్యాప్తు చేస్తున్నట్లు అలమెడ పోలీస్ డిపార్ట్‌మెంట్ (ఏపీడీ) తెలిపారు. అల్మెడ నగరంలోని కిట్టి హాక్ రోడ్ 400 బ్లాక్‌లో తన పొరుగువారిని కాల్చి చంపినట్లు ఒక వ్యక్తి నుండి కాల్ వచ్చిందని ఫేస్‌బుక్‌లో విడుదల చేసిన ఒక ప్రకటనలో ఏపీడీ తెలిపింది. సమాచారం అందుకున్న వెంటనే ఆలమేడ పోలీసులు సంఘటనా స్థలానికి చేరుకుని బాధితులను గుర్తించారు.

కాల్పులకు గల కారణాలు
ఇంట్లో బుల్లెట్ గాయాల కారణంగా మైనర్లు సహా ఇతర కుటుంబ సభ్యులు కూడా గాయపడినట్లు పోలీసులు తెలిపారు. అనుమానాస్పద వ్యక్తిని అదుపులోకి తీసుకున్నారు. ప్రస్తుతం కాల్పులకు గల కారణాలను పోలీసులు వెల్లడించలేదు.

Read Also:Off The Record: ఉమ్మడి రంగారెడ్డి జిల్లాలో కారు కాళీ అవ్వబోతుందా..?

ముగ్గురు మృతి
ముగ్గురు మరణించారని, ఇతర కుటుంబ సభ్యులు స్థానిక ఆసుపత్రిలో చికిత్స పొందుతున్నారని ఈ విధంగా నివేదించడం మాకు చాలా బాధ కలిగించిందని పోలీసులు తెలిపారు. సాధారణ ప్రజలకు ఎలాంటి ప్రమాదం వాటిల్లినట్లు సమాచారం లేదని పోలీసులు తెలిపారు. ప్రస్తుతం కేసు విచారణ కొనసాగుతోంది.

జునెటీన్ వేడుకల సందర్భంగా కాల్పులు
గత నెలలో జునెటీన్ వేడుకల సందర్భంగా కాల్పుల ఘటన వెలుగులోకి వచ్చింది. పోలీసులు తెలిపిన వివరాల ప్రకారం.. కాలిఫోర్నియాలోని ఓక్‌లాండ్‌లో 15 మందిపై కాల్పులు జరిగాయి. అంతకుముందు, టెక్సాస్‌లోని రౌండ్ రాక్‌లో జూన్‌టీన్ వేడుకల సందర్భంగా బహిరంగ కాల్పులు కూడా జరిగాయి. ఇందులో ముగ్గురు చనిపోయారు. ఇద్దరు చిన్నారులు సహా కనీసం ఆరుగురికి గాయాలయ్యాయి.

Read Also:Off The Record: ఏపీ డిప్యూటీ సీఎం ఆ నియోజకవర్గాన్ని కూడా అభివృద్ధి చేస్తారా..?