Akshay Kumar: స్టార్ హీరో అక్షయ్ కుమార్ కారుకు ప్రమాదం.. పరిస్థితి ఎలా ఉందంటే..?

Akshay Kumar: ముంబయిలో బాలీవుడ్ స్టార్ హీరో అక్షయ్ కుమార్ కాన్వాయ్‌కు సంబంధించిన ఓ ఎస్కార్ట్ కారు ప్రమాదానికి గురైంది. సోమవారం రాత్రి ఈ ఘటన జరగగా, కనీసం ఇద్దరు గాయపడినట్టు సమాచారం. ఈ ప్రమాదం అక్షయ్ కుమార్ నివాసం సమీపంలోని జూహు ప్రాంతం సమీపంలో జరిగింది. ప్రాథమిక వివరాల ప్రకారం.. ఓ ఆటోరిక్షా, వేగంగా వచ్చిన కారును ఢీకొనడంతో పరిస్థితి ఈ ఘటన చోటు చేసుకుంది. ఈ ఘటన రాత్రి సుమారు 9 గంటల సమయంలో చోటుచేసుకుంది. ముఖ్యమైన విషయం ఏమిటంటే.. ప్రమాదం జరిగిన కారులో అక్షయ్ కుమార్ లేరు.

READ MORE: Karnataka DGP: ఆఫీసులో రాసలీలలపై కర్ణాటక ప్రభుత్వం చర్యలు.. డీజీపీ రామచంద్రరావు సస్పెండ్

ఈ ప్రమాదంపై సమాచారం అందుకున్న వెంటనే పోలీసులు సంఘటనా స్థలానికి చేరుకుని పరిస్థితిని అదుపులోకి తీసుకున్నారు. రోడ్డుపై పడిపోయిన కారును పక్కకు తీశారు. గాయపడిన వారిని వెంటనే ఆసుపత్రికి తరలించి చికిత్స అందిస్తున్నారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఆ వీడియోలో ఎస్కార్ట్ కారు రోడ్డుపై ఒరిగిపోయి ఉండటం, అధికారులు సహాయక చర్యలు చేపట్టడం కనిపిస్తోంది. కొన్ని కథనాల ప్రకారం.. అక్షయ్ కుమార్, భార్య ట్వింకిల్ ఖన్నా ముంబయి ఎయిర్‌పోర్ట్ నుంచి ఇంటికి వస్తుండగా ఈ ప్రమాదం జరిగింది. అయితే ఈ సమయంలో హీరో మాత్రం వేరే వాహనంలో ఉన్నట్టు తెలుస్తోంది.

READ MORE: Ilaiyaraaja: ఇళయరాజా ఖాతాలో.. మరో ప్రతిష్టాత్మక అవార్డు!