Hospital Bill : ఆస్పత్రి బిల్లు చూశాడు.. ఎలా చావాలో గూగుల్లో సెర్చ్ చేశాడు

Hospital Bill : ఆసుపత్రి బిల్లుకు భయపడి ఓ వ్యక్తి ఆత్మహత్య చేసుకున్న ఘటన దేశ రాజధాని ఢిల్లీలో చోటుచేసుకుంది. ఓ హోటల్‌లో 24 ఏళ్ల యువకుడి మృతదేహం లభ్యమైంది. ఆక్సిజన్ సిలిండర్ తో ఆత్మహత్యకు పాల్పడినట్లు తెలుస్తోంది. హోటల్‌లో వ్యక్తి మృతదేహం కనిపించటంతో కలకలం రేపింది. ఆక్సిజన్ సిలిండర్ తో అతడు ఆత్మహత్యకు పాల్పడినట్టుగా పోలీసులు తెలిపారు. సిలిండర్‌లోని ఆక్సిజన్‌ను ఎక్కువగా తీసుకోవడంతో అతడు మృతి చెందినట్లు తెలిసింది. అతని శరీరమంతా ప్లాస్టిక్ కవర్‌తో చుట్టేసుకున్నాడు. అతని ముఖాన్ని కూడా కవర్‌ చేసుకుని చిన్న ఆక్సిజన్ సిలిండర్‌కు కనెక్ట్ చేసినట్లు పోలీసులు తెలిపారు.

Read Also: Thieves New Plan: తెలివిమారిన దొంగలు.. ఆశ పడ్డ మహిళలు.. చివరకు ఏమైందంటే ?

చనిపోయిన యువకుడు నితేష్ గా పోలీసులు గుర్తించారు. రోజురోజుకు పెరుగుతున్న వ్యాధికి వైద్యుడి వద్ద చికిత్స పొందుతున్నాడు. ప్రస్తుతం, భవిష్యత్తులో ఆస్పత్రి ఖర్చులకు భయపడి ఆత్మహత్యకు పాల్పడ్డాడు. అతను నార్త్ ఢిల్లీలోని ఆదర్శ నగరాలో ఒక హోటల్‌ను బుక్ చేసి, హోటల్‌కి ఒక చిన్న బ్యాగ్‌ను తీసుకువచ్చాడు. తరువాత అతడు శరీరం, ముఖాన్ని ప్లాస్టిక్ బ్యాగ్‌తో కవర్ చేసుకున్నాడు. అనంతరం ఆక్సీజన్ సిలిండర్ ఆన్ చేశాడు. శరీరానికి అవసరమైన దానికంటే ఎక్కువ ఆక్సిజన్ తీసుకుంటే, హృదయ స్పందన మందగిస్తుంది. ఈ ఆక్సిజన్ విషానికి దారితీస్తుందని వైద్యులు చెబుతున్నారు.

Read Also: Imran Khan: నన్ను చంపేందుకు ప్రభుత్వం కుట్ర పన్నింది..

తీవ్ర అనారోగ్యంతో బాధపడుతున్నట్లు నితీష్ రాసిన సూసైడ్ నోటును ఘటనా స్థలం నుంచి పోలీసులు స్వాధీనం చేసుకున్నారు. వైద్యం కోసం ఇప్పటికే లక్షల రూపాయలు ఖర్చు చేశానని, ఇకపై అతని తల్లిదండ్రులు తన కోసం అంత డబ్బు ఖర్చు పెట్టడం ఇష్టం లేదని… దీంతో తన జీవితాన్ని ముగించుకుంటున్నట్లు పేర్కొన్నాడు. తన మరణానికి ముందు, నొప్పి లేకుండా చనిపోవడానికి వీడియోలను గూగుల్లో సెర్చ్ చేసి చూశాడు. అనంతరం ఆక్సిజన్‌ను ఎక్కువగా పీల్చి చనిపోవాలని నిర్ణయించుకున్నట్లు పోలీసులు తెలిపారు.