Tamil Nadu: తమిళనాడు ముఖ్యమంత్రిగా విజయ్‌కు లైన్‌క్లియర్.. రేపే ప్రమాణస్వీకారం

తమిళనాడు ముఖ్యమంత్రిగా విజయ్‌కు లైన్‌క్లియర్ అయింది. ఐదు రోజుల ఉత్కంఠకు తెరపడింది. శుక్రవారం సాయంత్రం లోక్‌భవన్‌లో గవర్నర్ రాజేంద్ర అర్లేకర్‌ను టీవీకే అధినేత విజయ్ కలిసి 118 మంది ఎమ్మెల్యేల మద్దతు లేఖను అందజేశారు. దీంతో సంతృప్తి చెందిన గవర్నర్.. ప్రభుత్వాన్ని ఏర్పాటు చేసుకోవాలని విజయ్‌కు అనుమతి ఇచ్చారు. దీంతో శనివారమే విజయ్ ప్రమాణస్వీకారం చేసేందుకు రెడీ అయ్యారు. ఇప్పటికే చెన్నైలోని నెహ్రూ ఇండోర్ స్టేడియాన్ని సిద్ధం చేశారు. ఇక పెద్ద ఎత్తున అభిమానులు, సినీ, రాజకీయ ప్రముఖులు రానున్నందున పోలీసులు పెద్ద ఎత్తున బందోబస్త్ ఏర్పాటు చేస్తున్నట్లుగా తెలుస్తోంది.