Russia On Trade Deal: ‘‘భారత్ చమురు కొనుగోలు నిలిపేస్తుందని చెప్పలేదు’’.. యూఎస్‌తో డీల్‌పై రష్యా కామెంట్స్..

Russia On Trade Deal: భారత్, అమెరికాల మధ్య వాణిజ్య ఒప్పందం కుదిరింది. గత కొన్ని రోజులుగా రెండు దేశాల మధ్య కొనసాగుతున్న ప్రతిష్టంభనకు తెరపడింది. ఇరు దేశాలు కూడా తమ వాణిజ్యాన్ని మరింత విస్తరించాలని కోరుకున్నాయి. ఇదిలా ఉంటే, తాజాగా ఈ డీల్‌పై రష్యా స్పందించింది. చమురు కొనుగోళ్లపై కీలక వ్యాఖ్యలు చేసింది. ‘‘భారత్ రష్యా నుంచి ఆయిల్ కొనుగోలు నిలిపేస్తున్నట్లు ఎలాంటి సిగ్నల్స్ ఇవ్వలేదు’’ అని క్రెమ్లిన్ తెలిపింది. రష్యా నుంచి చమురు కొనుగోలు నిలిపేస్తున్నట్లు భారత్ నుంచి ఇప్పటి వరకు ఎలాంటి అధికారిక ప్రకటన రాలేదు. భారత్‌తో తమ సంబంధాలను పెంచుకునేందుకు కృతనిశ్చయంతో ఉన్నట్లు రష్యా ప్రకటించింది.

Read Also: T20 World Cup 2026: టీ20 వరల్డ్‌కప్ హ్యాట్రిక్స్‌.. ఆస్ట్రేలియాదే హవా, భారత్ నుంచి నో బౌలర్!

గత కొన్ని నెలలుగా భారత్, అమెరికాల మధ్య నిలిచిపోయిన వాణిజ్య ఒప్పందం చివరకు ఖరారైంది. ఈ విషయాన్ని ప్రధాని మోడీ, ట్రంప్ ఇద్దరు వెల్లడించారు. భారత్ తన వ్యవసాయ రంగంలోని అమెరికా యాక్సెస్‌ను నిలిపేయడంతో ఇరు దేశాల మధ్య ప్రతిష్టంభన నెలకొంది. చివరకు అమెరికా భారత్ డిమాండ్లకు దిగి వచ్చినట్లు తెలుస్తోంది. ఇదిలా ఉంటే, ఆంక్షలు లేని దేశాల నుంచి భారత్ చమురు కొనుగోలు చేస్తుందని ప్రభుత్వ వర్గాలు చెబుతున్నాయి.