Congress Protest: రాహుల్ గాంధీ సహా ప్రతిపక్ష ఎంపీల అరెస్ట్..

Congress Protest: ఎన్నికల సంఘం నిర్వహించిన స్పెషల్ ఇంటెన్సివ్ రివిజన్(SIR)ను వ్యతిరేకిస్తూ, ప్రధాన ఎన్నికల కమిషనర్(CEC) రాజీనామాను డిమాండ్ చేస్తూ కాంగ్రెస్ సహా ఇండియా కూటమి ఎంపీలు ఈ రోజు(మంగళవారం) ఢిల్లీలో ఎన్నికల కార్యాలయం ముట్టడికి పిలుపునిచ్చారు. ఈ కార్యక్రమం దేశ రాజధానిలో తీవ్ర ఉద్రిక్తతలకు దారి తీసింది. రాహుల్ గాంధీ, ప్రియాంకా గాంధీ సహా ప్రతిపక్షాలకు చెందిన దాదాపు 140 మంది ఎంపీలు పాదయాత్రకు వెళ్తున్న క్రమంలో ఆకాశవాణి భవన్ వద్ద పోలీసులు అడ్డుకున్నారు.

ఇదిలా ఉంటే, దాదాపుగా 9 గంటల నిరసన తర్వాత రాహుల్ గాంధీ, ప్రియాంకాగాంధీ, ఇతర ఎంపీలను పోలీసులు అరెస్ట్ చేశారు. సీఈసీ జ్ఞానేష్ కుమార్‌‌ను కలిసేందుకు ఎందుకు అనుమతి ఇవ్వడం లేదని రాహుల్ ప్రశ్నించారు. మరోవైపు, తమకు కలిసేందుకు కాంగ్రెస్ సహా ఏ ప్రతిపక్ష పార్టీ నుంచి విన్నపం రాలేదని ఎన్నికల సంఘం ప్రకటించింది. ఎన్నికల కమిషనర్లను కలిసే వరకు నిరసన విరమించేది లేదని భీష్మించుకుని ఆకాశవాణి భవన్ వద్దే నిరసన తెలుపుతున్న రాహుల్ గాంధీ ఇతర నేతల్ని పోలీసులు అరెస్ట్ చేసి అక్కడి నుంచి తరలించారు. అరెస్టైన వారిలో చరణ్‌జిత్ సింగ్ చన్నీ, దీపేందర్ హూడా, పవన్ ఖేరా వంటి నేతలు ఉన్నారు.

#WATCH | Delhi: Lok Sabha LoP Rahul Gandhi detained by Delhi Police.

INDIA bloc MPs were staging a protest at Akashvani Bhavan against Chief Election Commissioner Gyanesh Kumar.

(Source: AICC) https://t.co/2kZy8klSrM

— ANI (@ANI) October 6, 2026