Rajnath Singh: పౌరుల రక్షణకు చేతక్ వజ్రాయుధం.

చేతక్ హెలికాప్టర్ డైమండ్ జూబ్లీ సెలబ్రేషన్స్ లో హాజరు కావడం చాలా సంతోషంగా ఉందన్నారు రక్షణమంత్రి రాజ్ నాథ్ సింగ్. నేషనల్ ఇండస్ట్రియల్ సెక్యూరిటీ అకాడమీ లో ఛేతక్ హెలికాప్టర్ల వజ్రోత్సవం నిర్వహించారు. ముఖ్య అతిథిగా హాజరయ్యారు కేంద్ర రక్షణ శాఖ మంత్రి రాజ్ నాథ్ సింగ్. చేతక్ హెలికాప్టర్లు 60 ఏళ్లు పూర్తి చేసుకున్న సందర్భంగా హకీం పేట ఎయిర్ ఫోర్స్ స్టేషన్ ఆధ్వర్యంలో గోల్డెన్ జూబ్లీ సెలబ్రేషన్స్ నిర్వహించారు.

చేతక్ హెలికాఫ్టర్ ఒక మిషన్ లాగా కాకుండా రక్షణ వ్యవస్థలో భాగమైంది. చేతక్ హెలికాప్టర్ భారత చరిత్రలో నిలిచి పోతుంది. రాణా ప్రతాప్ గుర్రం పేరు చేతక్ దాని చరిత్ర మనం విన్నాం. ఇప్పుడు మన రక్షణ వ్యవస్థలోని చేతక్ పేరు చెబితే శత్రువు గుండెల్లో భయం పుడుతుంది. చేతక్ చూడటానికి చిన్నగా ఉన్న, చేతల్లో భయానక వాతావరణం సృష్టించగలదు. దేశ రక్షణలో చేతక్ హెలికాప్టర్ల ను నడుపుతున్న పైలెట్ అధికారులు ఎంతో సుశిక్షితులు. డిఫెన్స్ లో చేతక్ కి ప్రతేక్యమైన స్థానం ఉందన్నారు రాజ్ నాథ్‌ సింగ్. చేతక్ హెలికాప్టర్లు వాయుసేనకు విశేష సేవలందించాయి. ఒక హెలికాప్టర్ కు వజ్రోత్సవ వేడుకలు జరగడం దాని గొప్పదనాన్ని తెలియజేస్తుంది.

మన బలగాలను రక్షించడమే కాదు, శత్రు రాజ్యాల లక్ష్యాలను సులభంగా చేదించడం చేతక్ కు సులువు. పౌరుల రక్షణకు చేతక్ పెద్ద ఎత్తున ఉపయోగపడిందన్నారు రక్షణమంత్రి. ఎటువంటి విపత్తు వచ్చినా చేతక్ ఉపయోగించాల్సిందే అన్నారు.