Sister Love: అన్నకు ప్రేమతో.. చెల్లి కోసం మళ్లీ బతికి, వేడుకకు హాజరై..!
చెల్లెలి క్షేమం కోరుకోని అన్న… అన్నయ్య శ్రేయస్సు కాంక్షించని చెల్లెలు ఉండరని చెబుతారు.. తల్లిదండ్రులు ఉన్నా.. గతించినా తల్లి అంశ చెల్లిలో.. తండ్రి అంశ అన్నలో చూసుకుంటారు.. అది రక్తసంబంధం.. యుగాలుగా ఏర్పడింది.. యుగాంతం వరకూ ఉంటుంది.. ఇక, ఇంట్లో ఏ శుభకార్యం అయినా.. చెల్లి ఇంట్లో అన్నదే సందడి.. అన్న ఇంట్లో చెల్లిదే అంతా.. ఇప్పుడు పరిస్థితులు కొంత మారినా.. ఇది మాత్రం కొనసాగుతూనే ఉంది. అయితే, ఓ చెల్లి తన ఇంట్లో ఓ శుభకార్యం తలపెట్టింది.. తన పిల్లలకు చెవులు కుట్టే వేడుక నిర్వహించింది.. కానీ, తన అన్నయ్య అప్పడికే కాలం చేయడంతో.. వినూత్నంగా ఆలోచిచింది.. తన అన్నయ్యను పోలిన విగ్రహాన్ని తయారు చేయించి తన ప్రేమను చాటు కుంది.. ఆ కార్యక్రమాన్ని కూడా వేడుకగా నిర్వహించింది.
Read Also: Holi: మందు బాబులకు బ్యాడ్ న్యూస్
ఇందో.. ఆ చెల్లి కోసం విగ్రహం రూపంలో చనిపోయిన ఆ అన్నయ్య మళ్లీ వచ్చాడు.. ఈ ఘటన తమిళనాడు రాష్ట్రం దిండిగల్ జిల్లాలో జరిగింది.. చెల్లి ప్రియదర్శని ఇంట్లో శుభకార్యం సందర్భంగా.. చనిపోయిన తన అన్నయ్య పండిదొరై విగ్రహాన్ని తయారు చేయించింది.. ఆ విగ్రహాన్ని బండిలో కూర్చొబెట్టి ఊరేగింపు నిర్వహించారు.. డబ్బు వాయిద్యాలతో.. ఇంట్లో జరిగే వేడకకు తీసుకొచ్చారు.. ఇక, ఆ విగ్రహానికి తమిళ సంస్కృతి తరహాలో పట్టు బట్టలతో అలకరించి.. చిన్నారిని తన అన్నయ్య చేతిలో పెట్టీ చిన్నారికి చెవికుట్టే వేడుకను ఘనంగా నిర్వహించింది ఆ చెల్లి.. విగ్రహం రూపంలో తిరిగి వచ్చిన తన అన్నయ్యతో ఫ్యామిలీ మొత్తం ఫొటోలు దిగారు.. ఈ వేడుకకు వేలాది మంది తరలివచ్చారు.