Cyclone Arnab: అర్నబ్ తుఫానులో 150 కి.మీ వేగంతో గాలులు.. అంతటి శక్తి ఎలా వచ్చింది.?
- Follow Us :
-
-
Add as a preferred
source on google
Cyclone Arnab: అర్నబ్ తుఫాను ఆంధ్రప్రదేశ్ను అతలాకుతలం చేస్తోంది. భారీ వర్షాలు, ఈదురుగాలులతో విరుచుకుపడింది. తుఫాను తీరం దాటే సమయంలో గాలి వేగం గంటకు 150 కిలోమీటర్లకు చేరుకుంది. ఈ బలమైన గాలుల కారణంగా చెట్లు, విద్యుత్ స్తంభాలు నెలకొరిగాయి. తుఫాను విధ్వంసం వల్ల ఇప్పటి వరకు ఐదుగురు మరణించారు.
ఇదిలా ఉంటే, తుఫాను సమయంలో ఇంతటి పెను గాలులు ఎలా వీస్తాయి. తుఫాను సముద్రం నుంచి నేలపైకి వచ్చిన తర్వాత కూడా ఎందుకు వీటి వేగం తగ్గడం లేదనే ప్రశ్నలు సహజం వస్తుంటాయి. అయితే, దీనికి సముద్రంలోని వెచ్చని నీరు, వాయు పీడనంలో తేడాలు, భూమి భ్రమణం వంటివి సహాయపడుతాయని శాస్త్రవేత్తలు చెబుతున్నారు.
Also Read
- Modi-Trump Meeting in Manila: మోడీతో ట్రంప్ కీలక భేటీ.. మనీలాలో క్వాడ్ సమ్మిట్లో ఏం జరగబోతోంది?
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- UP Congress-SP Alliance: 181 సీట్లు కోరుతున్న కాంగ్రెస్.. లీకైన జాబితాతో అఖిలేష్పై ఒత్తిడి!
- India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
తుఫానులో గాలులకు ఇంత శక్తి ఎలా..?
ఉష్ణమండల తుఫానులు సాధారణంగా వెచ్చని సముద్ర జలాలపై ఏర్పడుతాయి. సముద్రంలోని వేడి నీరు దానిపైనున్న గాలిని వేడెక్కిస్తుంది. తేమతో నిండిన ఈ వెచ్చని గాలి పైకి లేవడంతో సముద్ర ఉపరితలంపై అల్పపీడనం ఏర్పడుతుంది. పైకి వెళ్లిన గాలి స్థానాన్ని భర్తీ చేసేందుకు చుట్టుపక్కల ప్రాంతాల నుంచి గాలి వేగంగా ఈ అల్పపీడన కేంద్రం వైపు వెళ్తుంది.
ఈ ప్రక్రియ కొనసాగుతున్న సమయంలోనే మరింత వెచ్చని, తేమతో కూడిన గాలి తుఫాను వ్యవస్థలోకి ప్రవేశిస్తుంది. గాలిలోని నీటి ఆవిరి చట్టబడి నీటి బిందువులుగా మారినప్పుడు వేడి విడుదల అవుతుంది. ఈ వేడి తుఫానుకు అదనపు శక్తిని ఇస్తుంది. ఇదే సమయంలో భూ భ్రమణ వేగం కారణంగా గాలి దిశ మారుతుంది. దీంతో గాలి ఒక క్రమబద్ధమైన భ్రమణ వ్యవస్థగా ఏర్పడుతుంది.
తుఫాను కేంద్రంలోని వాయు పీడనానికి, దాని చుట్టుపక్కల ప్రాంతాల్లో పీడనానికి మధ్య తేడా ఎంత ఎక్కువగా ఉంటే, గాలి వేగం అంత బలంగా ఉండే అవకాశం ఉంది. తీవ్రమైన తుఫానుల్లో అత్యంత బలమైన గాలులకు ఇదే ప్రధాన కారణం.
గంటకు 150 కి.మీ వేగంతో గాలులు..
అర్నబ్ తుఫాను తీరం దాటే సమయంలో ఏపీ, యానాం తీర ప్రాంతాల్లో అత్యంత తీవ్ర తుఫానుగా మారింది. ఈ సమయంలో గాలి వేగం గంటకు 125 నుంచి 135 కిలోమీటర్ల మధ్య ఉండగా, గరిష్టంగా 150 కిలోమీటర్ల వేగానికి చేరింది. ఈ రెండు వేగాల మధ్య తేడా ఉంది. నిర్దిష్ట వ్యవధిలో స్థిరంగా కొనసాగిని వేగాన్ని ‘సస్టెయిన్డ్ విండ్ స్పీడ్’ అని, తక్కువ వ్యవధిలో అకస్మాత్తుగా బలంగా వీచిన గాలిని ‘గస్ట్లు’’ అంటారు. ఈ గాలులు కొద్దిసేపే కొనసాగినప్పటికీ చాలా విధ్వంసాన్ని సృష్టిస్తాయి. వీటి కారణంగా చెట్లు, భవనాలు, విద్యుత్ స్తంభాలు, టెలి కమ్యూనికేషన్ వ్యవస్థ కుప్పకూలుతాయి.
తీరం దాటిన తర్వాత క్రమంగా తగ్గనున్న ప్రభావం..
అర్నబ్ తుఫాను బుధవారం తెల్లవారుజామున సుమారు 2 గంటల నుంచి ఉదయం 8 గంటల వరకు పలు గంటల పాటు కొనసాగింది. ఏపీలో నరసాపురం వద్ద తీరాన్ని దాటింది. భారత వాతావరణ శాఖ(IMD) దీనిని ‘అత్యంత తీవ్ర తుఫాను’ స్థాయి నుంచి ‘తీవ్ర తుఫాను’ స్థాయికి తగ్గించింది.
తుఫాను భూభాగం పైకి వచ్చిన తర్వాత వాటికి శక్తిని అందించే వెచ్చని సముద్ర నీరు దూరం అవుతుంది. భూమిపై ఏర్పడే ఘర్షణ కూడా తుఫాను గాలుల వేగాన్ని, దాని భ్రమణాన్ని దెబ్బతీస్తుంది. ఫలితంగా తుఫాను బలహీనపడుతుంది. తుఫాను భూమికిపైకి చేరినప్పటికీ వెంటనే గాలుల వేగం తగ్గదు. క్రమంగా భూమిపై ముందుకు కదులుతున్నా కొద్ది తుఫాను బలం క్రమంగా క్షీణించి, నెమ్మదిగా గాలుల వేగం కూడా తగ్గుతుంది.
తాజావార్తలు
-
Sai Pallavi & Sreeleela Dance: స్టేజ్పై డాన్స్ తో సందడి చేసిన స్టార్ హీరోయిన్స్.. వైరల్ వీడియో..!
-
Koti Deepotsavam 2026: కన్నుల పండుగగా కోటి దీపోత్సవం.. నాలుగో రోజు ప్రత్యేక కార్యక్రమాలు ఇవే..
-
Edible Oil Imports Surge: వంట నూనెల దిగుమతుల కోసం రూ.2 లక్షల కోట్లు ఖర్చు.. 24 శాతం పెరిగిన బిల్లు!
-
IPL 2027-SRH: నకిలీ బౌలింగ్తో ఇన్నాళ్లు కొనసాగాడు.. తుది జట్టులోకి ఎలా వస్తాడో అర్థం కావడం లేదు!
-
Yamaha Xenter E: 108KM రేంజ్తో యమహా కొత్త ఎలక్ట్రిక్ స్కూటర్.. 7.5kW మోటార్, ఫీచర్లు ఇవే!
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!