August 15 Independence Day: భారత్‌తో పాటు, ఆగస్టు 15న ఈ నాలుగు దేశాలకు స్వాతంత్య్రం..

Independence Day 2022: బ్రిటీష్ వలస పాలన నుంచి భారత దేశానికి స్వాతంత్య్రం లభించి 79 ఏళ్లు అవుతోంది. 2026 ఆగస్టు 15న 80వ స్వాతంత్య్ర దినోత్సవాన్ని జరుపుకుంటుంది. ఇదిలా ఉంటే భారత్ తో పాటు అదే రోజు మరో 4 దేశాలు కూడా బానిస సంకెళ్ల నుంచి విముక్తి పొందాయి. ఈ దేశాలు కూడా ఒక రకంగా ఆగస్టు 15నే స్వాతంత్య్ర దినోత్సవాన్ని జరుపుకుంటాయని తెలుసా..? భారత్ లాగే ఆ దేశాలు కూడా వలసవాదం, పరాయి పాలన నుంచి విముక్తి పొందాయి.

ఉత్తర కొరియా, దక్షిణ కొరియా

జపాన్ పాలనలో 35 ఏళ్ల పాటు ఉన్న ఉత్తర కొరియా, దక్షిణ కొరియా దేశాలకు కూడా ఆగస్టు 15నే స్వాతంత్య్రం వచ్చింది. రెండు కొరియా దేశాలను అమెరికా, దాని మిత్ర దేశాలు జపాన్ పాలన నుంచి విముక్తి చేశాయి. ఆగస్టు 15న జాతీయ విముక్తి దినోత్సవం లేదా గ్వాంగ్ బోక్ జియోల్( కాంతి పునరుద్ధరణ సమయం)గా కొరియా దేశాలు పిలుస్తాయి. కొరియా యుద్ధం తరువాత ఈ రెండు దేశాలు విడిపోయాయి.  ఈ యుద్ధం 1950-53 వరకు కొనసాగింది.

లిచెన్ స్టెయిన్

లిచెన్ స్టెయిన్ దేశం కూడా ఆగస్టు 15నే స్వాతంత్య్ర వేడుకలను జరుపుకుంటుంది. ప్రపంచంలో అతి చిన్న దేశాల్లో ఆరో దేశంగా లిచెన్ స్టెయిన్ ఉంది. ఈ రోజును స్టాట్స్ ఫీయర్ ట్యాగ్ అని పిలుస్తుంది. ఈ తేదీని ప్రిన్స్ ఫ్రాంజ్ జోసెఫ్ 2 పుట్టిన రోజును కూడా జరుపుకుంటుంది. ఆగస్టు 15ను లిచెన్‌స్టెయిన్ జాతీయ దినోత్సవంగా 1940 నుంచి పాటిస్తోంది. ఈ రోజుకు దేశ రాజకుటుంబంతోనూ సంబంధం ఉంది.

బహ్రెయిన్

బహ్రెయిన్ జనాభాపై ఐక్యరాజ్యసమితి సర్వే తరువాా.. ఆగస్ట్15, 1971న బహ్రెయిన్ బ్రిటిష్ వారి నుంచి స్వాతంత్య్రం పొందింది. అయితే ఇక్కడి బ్రిటిష్ వారి నుంచి స్వాతంత్య్రాన్ని ఆగస్టు 15న పొందినప్పటికీ.. ఆ దేశం ఆగస్టు 15 స్వాతంత్య్రం జరుపుకోదు. బహ్రెయిన్ దివంగత పాలకుడు ఇసా బిన్ సల్మాన్ అల్ ఖలీప్ సింహాసనాన్ని అధిరోహించిన రోజున ఏటా డిసెంబర్ 16న జాతీయ దినోత్సవంగా జరుపుకుంటుంది.