Youth: 4 రోజుల్లో 3.73 కోట్లు సాధించిన యూత్

టాలీవుడ్ బాక్సాఫీస్ వద్ద చిన్న సినిమాలు అద్భుతాలు సృష్టిస్తున్నాయి, ఈ క్రమంలోనే తమిళంలో భారీ విజయం సాధించి, ఇప్పుడు తెలుగులో “యూత్” పేరుతో విడుదలైన చిత్రం ప్రేక్షకులను విశేషంగా ఆకట్టుకుంటోంది. కేన్ కరునాస్, అనిష్మ అనిల్ కుమార్ ప్రధాన పాత్రల్లో నటించిన ఈ యూత్ ఫుల్ ఎంటర్‌టైనర్ వసూళ్ల పరంగా దూసుకుపోతోంది. విడుదలైన మొదటి రోజు నుంచే పాజిటివ్ టాక్‌ను సొంతం చేసుకున్న “యూత్”, కేవలం 4 రోజుల్లోనే ప్రపంచవ్యాప్తంగా 3.73 కోట్ల రూపాయల గ్రాస్ వసూళ్లను సాధించి ట్రేడ్ వర్గాలను ఆశ్చర్యపరిచింది. ఈ2సీ బ్యానర్‌పై నిర్మాతలు హౌస్ ఫుల్ వినీత్, సందీప్ ఈ చిత్రాన్ని తెలుగు ఆడియన్స్ ముందుకు తీసుకురావడంలో సక్సెస్ అయ్యారు.

Also Read:Rishab Shetty: వైరల్‌గా మారిన కాంతార హీరో ‘ఇన్‌స్టా’ స్టోరీ..

ఈ సినిమా ఇంతటి ఘనవిజయం సాధించడానికి ప్రధాన కారణం ఇందులోని కథాంశం. కేన్ కరునాస్ అండ్ గ్యాంగ్ దర్శకత్వం వహించిన ఈ చిత్రం, నేటి తరం యువత ఎంజాయ్ చేసే వినోదంతో పాటు, ఫ్యామిలీ ఆడియన్స్‌ను కట్టిపడేసే హృద్యమైన ఎమోషన్స్‌ను కలగలిపి రూపొందించారు. సూరజ్ వెంజరముడు, దేవదర్శిని చేతన్ వంటి అనుభవజ్ఞులైన నటీనటుల నటన ఈ సినిమాకు అదనపు బలాన్ని ఇచ్చింది. అనిష్మ అనిల్ కుమార్, ప్రియాన్షి యాదవ్, మీనాక్షి దినేష్ తమ పెర్ఫార్మెన్స్‌తో ప్రేక్షకులను మెప్పించారు. మొదటి వారం ముగిసేసరికి ఈ సినిమా బాక్సాఫీస్ వద్ద మరిన్ని రికార్డులను సృష్టించేలా కనిపిస్తోంది. మంచి కంటెంట్ ఉంటే తెలుగు ప్రేక్షకులు ఎప్పుడూ ఆదరిస్తారని “యూత్” చిత్రం మరోసారి నిరూపించింది. థియేటర్లలో ఈ సినిమా సృష్టిస్తున్న సందడి చూస్తుంటే, లాంగ్ రన్‌లో ఇది మరిన్ని భారీ వసూళ్లను సాధించడం ఖాయంగా కనిపిస్తోంది.