యండమూరి వీరేంద్రనాథ్ సినిమా షూటింగ్ పూర్తి

ప్రఖ్యాత రచయిత యండమూరి వీరేంద్రనాథ్ దర్శకత్వంలో తెరకెక్కుతున్న “అతడు, ఆమె – ప్రియుడు” సినిమా షూటింగ్ పూర్తి చేసుకుంది. ప్రముఖ నటుడు బెనర్జీ హీరోగా ఎంట్రీ ఇస్తున్నాడు. సీనియర్ నటుడిగా ఎన్నో భిన్నమైన పాత్రల్లో నటించి మెప్పించిన ఆయన ఈ చిత్రంలో హీరోగా కనిపించబోతున్నాడు. ఈ సినిమాలో బెనర్జీ ఒక ఆస్ట్రోనమి ప్రొఫసర్ గా నటిస్తున్నాడు. ఇదొక బ్లాక్ హ్యూమర్ థ్రిల్లర్ సస్పెన్స్ సినిమా. ఈ చిత్రం షూటింగ్ పూర్తికావడంతో, పోస్ట్ ప్రొడక్షన్స్ కార్యక్రమాలు ప్రారంభమయ్యయి. సునీల్, కౌశల్, సుపూర్ణ తదితరులు నటిస్తున్నారు.
ఈ సినిమా గురించి బెనర్జీ స్పందిస్తూ.. “ఇన్నాళ్లు నటుడిగా పలు భిన్నమైన పాత్రల్లో నటించిన నేను ఈ సినిమా ద్వారా హీరోగా పరిచయం అవడం ఆనందంగా ఉంది. భిన్నమైన కథతో యండమూరి వీరేంద్రనాథ్ రచన, దర్శకత్వంలో తెరకెక్కుతున్న ఈ సినిమా షూటింగ్ పూర్తయింది ” అని, త్వరలో విడుదల చేస్తామని తెలిపారు.