Ghani : కన్నడ వెర్షన్ రిలీజ్ వాయిదా… కారణమేంటి?

మెగా ప్రిన్స్ వరుణ్ తేజ్ నటించిన బాక్సింగ్ డ్రామా “గని” ఈరోజు ప్రపంచ వ్యాప్తంగా ప్రేక్షకుల ముందుకు వచ్చింది. నూతన దర్శకుడు కిరణ్ కొర్రపాటి దర్శకత్వం వహించిన ఈ చిత్రంలో సాయి మంజ్రేకర్ హీరోయిన్ గా నటించింది. నదియా, జగపతి బాబు, సునీల్ శెట్టి తదితరులు కూడా ఈ సినిమాలో కీలకపాత్రలు పోషించారు. తమన్ సంగీతం అందించారు. ఈ సినిమాకు ప్రేక్షకులతో పాటు విమర్శకుల నుంచి కూడా మంచి స్పందనే రాగా, ఈ సినిమా కన్నడ వెర్షన్ రిలీజ్ మాత్రం వాయిదా పడింది. దీంతో కర్ణాటకలో ఉన్న మెగా అభిమానులు అయోమయంలో పడ్డారు.

Read Also : Shoot Life: విష్ణు విషయంలో మరోసారి భంగపడ్డ పోర్న్ స్టార్!

అంతకుముందు “గని” మూవీ ప్రెస్ మీట్‌లో నిర్మాతలు అల్లు బాబీ, సిద్ధు ముద్దా ఈ చిత్రాన్ని కన్నడలో (డబ్బింగ్ వెర్షన్) ఏప్రిల్ 8న అంటే ఈరోజు విడుదల చేయనున్నట్లు ప్రకటించారు. అంతేకాదు కన్నడ వెర్షన్ ప్రమోషన్స్ ను స్టార్ యాక్టర్ ఉపేంద్ర చూసుకుంటారని కూడా చెప్పుకొచ్చారు. కానీ అందరూ అనుకున్నట్టుగా కన్నడ వెర్షన్ ఈరోజు విడుదల కాలేదు. ఆ విషయం గురించి మేకర్స్ నుండి కూడా ఎటువంటి స్పష్టత లేదా అప్డేట్ రాలేదు. ఇప్పటికే కన్నడ వెర్షన్ సెన్సార్ కార్యక్రమాలను కూడా పూర్తి చేసుకున్న “గని” ఎందుకు వెనక్కి తగ్గాడు అన్న విషయంపై ఎలాంటి క్లారిటీ లేదు. మరి “గని” కన్నడ వెర్షన్ ను ఎప్పుడు విడుదల చేస్తారు ? ఇప్పుడు వాయిదా వేయడానికి గల కారణమేంటి ? అనే విషయాలపై మేకర్సే క్లారిటీ ఇవ్వాలి.