Vivek Athreya : నాని తో ఆ జానర్ లో సినిమా తీసి ఉంటే కచ్చితంగా హిట్ అయ్యేదేమో..?

నేచురల్ స్టార్ నాని హీరో గా దర్శకుడు వివేక్‌ ఆత్రేయ తెరకెక్కించిన మూవీ ‘అంటే.. సుందరానికీ!.. ఈ సినిమా ను మైత్రీ మూవీ మేకర్స్ వారు నిర్మించగా తెలుగు, తమిళ్ మరియు మలయాళ భాషల్లో 2022 లో విడుదల అయ్యింది.ఈ చిత్రానికి ముందు నాని.. ‘శ్యామ్ సింగరాయ్’ వంటి బ్లాక్ బస్టర్ అందుకున్నాడు. అలాగే దర్శకుడు వివేక్‌ ఆత్రేయ కూడా ‘మెంటల్‌ మదిలో’, ‘బ్రోచేవారెవరురా’ వంటి వరుస సినిమాల తో హిట్ కొట్టి మంచి ఫామ్ లో వున్నాడు.. దీనికి తోడు మైత్రీ మూవీ మేకర్స్ ఈ సినిమాని నిర్మించడం తో ఈ సినిమాపై భారీగా అంచనాలు ఏర్పడ్డాయి.అలాగే ఈ సినిమా లో నాని సరసన నజ్రియా హీరోయిన్ గా కనటించడం మరో ఇంటరెస్టింగ్ విషయం. అయితే ఈ మూవీ విడుదల అయిన తరువాత ప్రేక్షకుల అంచనాలను అందుకోలేక పోయింది.

మూవీ చూడటానికి బాగున్న కూడా కమర్షియల్ గా మాత్రం సక్సెస్ అవ్వలేకపోయింది. ఒక బ్రాహ్మణ కుర్రాడు మరియు ఒక క్రిస్టియన్‌ అమ్మాయి మధ్య ప్రేమ కథని దర్శకుడు ఎంతో వినోదాత్మకంగా తెరకెక్కించారు.. అయితే మైత్రీ నిర్మాణంలో నానితో సినిమా ఒకే అయ్యినప్పుడు.. డైరెక్టర్ వివేక్‌ ఆత్రేయ ముందుగా ఒక హారర్ థ్రిలర్ స్టోరీ చెప్పాడట.ఆ స్టోరీ బాగున్న కూడా మైత్రీ నిర్మాతలు ఒక రొమాంటిక్‌ కామెడీ ఎంటర్‌టైనింగ్‌ స్టోరీ కావాలని దర్శకుడిని కోరడం తో ‘అంటే.. సుందరానికీ!’ కథ రాసి దానిని తెరకెక్కించడం జరిగిందని ఒక ఇంటర్వ్యూ లో వివేక్ చెప్పుకొచ్చారు.అయితే. ఒకవేళ వివేక్ చెప్పిన హారర్ కథ తో సినిమా తీసి ఉంటే కనుక సినిమా నిజంగా హిట్ అయ్యి ఉండేదని నాని అభిమానులు భావిస్తున్నారు.. అయితే నాని అండ్ వివేక్ ఆత్రేయ కాంబినేషన్ లో మరో మూవీ ఉండబోతుందని టాక్ వినిపిస్తుంది.ఈ క్రమంలో నాని తో ముందుగా చేద్దామనుకున్న హారర్ కథను తెరకెక్కించబోతున్నట్లు సమాచారం.