Anil RaviPudi : ‘జనవరి 12 విడుదల’లో స్పెషల్ సాంగ్.. మాస్ ఫ్యాన్స్‌కు పూనకాలే

టాలెంటెడ్ డైరెక్టర్ అనిల్ రావిపూడి దర్శకత్వంలో విక్టరీ వెంకటేష్, నందమూరి కళ్యాణ్ రామ్ కాంబినేషన్‌లో వస్తున్న క్రేజీ మల్టీస్టారర్ జనవరి 12 విడుదల. వచ్చే ఏడాది సంక్రాంతి కానుకగా జనవరి 12న రిలిజ్ కానుంది. వరుస హిట్స్ మీదున్న అనిల్ రావిపూడి మరోసారి బ్లాక్ బస్టర్ ఇచ్చేందుకు రెడీ అవుతున్నాడు. ఓ వైపు షూటింగ్ తో పాటు ప్రమోషన్స్ ను కూడా వెరైటీగా చేస్తూ సినిమాపై బజ్ పెంచేలా చేస్తున్నాడు అనిల్. ఇటీవల ఈ సినిమా టైటిల్ అనౌన్స్ మెంట్ తోనే నవ్వులు పోయించాడు.

తాజాగా ఈ సినిమాకు సంబంధించి ఒక ఆసక్తికరమైన అప్‌డేట్ బయటకు వచ్చింది. ఈ భారీ ప్రాజెక్ట్ కోసం వచ్చే నెల మొదటి వారంలో స్పెషల్ సాంగ్‌ను చిత్రీకరించడానికి మూవీ యూనిట్ ప్లాన్ చేస్తోంది. ఈ పాట కోసం హైదరాబాదులోని ఒక ప్రముఖ స్టూడియోలో భారీ ఎత్తున ఒక ప్రత్యేకమైన సెట్‌ను నిర్మిస్తున్నట్లు తెలుస్తోంది. గ్రాండ్ విజువల్స్, అదిరిపోయే మాస్ బీట్స్‌తో సాగే ఈ సాంగ్‌లో వెంకటేష్, కళ్యాణ్ రామ్‌లతో పాటు ఇద్దరు కథానాయికలు కూడా కలసి స్టెప్పులు వేయబోతున్నారు. ఈ ఇద్దరు స్టార్ హీరోలను ఒకే ప్రేమ్‌లో విజువల్ ఫీస్ట్ గా ఉండేలా ప్లాన్ చేస్తున్నాడట అనిల్ రావిపూడి. ఈ భారీ సాంగ్ సినిమాలో సర్ప్రైజ్ లా ఉంటుందట. అనిల్ రావిపూడి మార్క్ ఎంటర్‌టైన్‌మెంట్, యాక్షన్, ఎమోషన్స్‌తో తెరకెక్కుతున్న ఈ ప్రాజెక్ట్ ప్రేక్షకులకు సరికొత్త థియేట్రికల్ ఎక్స్‌పీరియన్స్‌ను ఇస్తుందని చిత్ర బృందం భావిస్తోంది.