విక్రమ్ సినిమాతో ఎవరు ఊహించని రేంజ్ కంబ్యాక్ ఇచ్చాడు లోకనాయకుడు కమల్ హాసన్. చాలా ఏళ్ల తర్వాత పాన్ ఇండియా హిట్ కొట్టిన కమల్ ఇప్పుడు బ్యాక్ టు బ్యాక్ ప్రాజెక్ట్స్ ని సెట్ చేస్తున్నాడు. ఇప్పటికే శంకర్ తో ఇండియన్ 2 కంప్లీట్ చేసిన కమల్, ఇండియన్ 3 కోసం మరో నెల రోజుల డేట్స్ ఇచ్చాడు. ఇండియన్ 2తో పాటే 3 కూడా షూటింగ్ జరుపుకుంది కాబట్టి నెల రోజుల్లో బాలన్స్ పార్ట్ ని కంప్లీట్ చేయనున్నారు శంకర్ అండ్ కమల్. ఈ ప్రాజెక్ట్ అవ్వగానే కమల్-మణిరత్నంతో కలిసి సినిమా చేయబోతున్నాడు. ఇప్పటికే అఫీషియల్ గా అనౌన్స్ అయిన ఈ మూవీ ఫస్ట్ షెడ్యూల్ కూడా కంప్లీట్ అయ్యింది. ఇండియన్ 3 షూటింగ్ కంప్లీట్ అవ్వగానే మణిరత్నం సినిమా రెగ్యులర్ షూటింగ్ స్టార్ట్ చేయనున్నాడు.
ఈ మూడు సినిమాలతో పాటు కమల్ హాసన్… హెచ్ వినోద్ డైరెక్షన్ లో కూడా ఒక సినిమా అనౌన్స్ చేసాడు. యాక్షన్ సినిమాలకి పెట్టింది పేరైన హెచ్ వినోద్, కమల్ తో హైఆక్టేన్ యాక్షన్ సినిమా చేయనున్నాడు. రజినీకాంత్ సినిమా, ఖైదీ 2 కంప్లీట్ అవ్వగానే లోకేష్ కనగరాజ్-కమల్ హాసన్ కలిసి విక్రమ్ 3 చేయడానికి రెడీ అవుతారు. ఇది ఇండియాస్ బిగ్గెస్ట్ మల్టీస్టారర్ అయ్యే అవకాశం ఉంది. ఇవి చాలవన్నట్లు ప్రభాస్-నాగ అశ్విన్ కాంబినేషన్ లో తెరకెక్కుతున్న కల్కి 2898 AD ప్రాజెక్ట్ లో కమల్ విలన్ గా నటిస్తున్నాడు. ఇంత బిజీ షెడ్యూల్ లో కమల్ హాసన్ స్టంట్ మాస్టర్స్ అన్బారివ్ డైరెక్షన్ లో కొత్త సినిమాని అనౌన్స్ చేసాడు. అసలు ఈ సినిమాల్లో ఏది ముందు కంప్లీట్ అవుతుంది? ఏది ఎప్పుడు రిలీజ్ అవుతుంది? అనే విషయాలు కమల్ అభిమానులకి కూడా అంతుబట్టని విషయంగా ఉంది. ఏదిఏమైనా ఈ ఏజ్ లో కూడా కమల్ అంత బిజీగా ఉన్న ఇండియన్ హీరో మరొకరు లేరు అనేది అయితే వాస్తవం.
Proud to add two proven talents in their new avatar as directors for #KH237. Slay it, Masters Anbariv. Welcome to Raaj Kamal Films International again.#ActioninAction@RKFI #Mahendran @anbariv @turmericmediaTM @magizhmandram pic.twitter.com/uH07IsMVjd
— Kamal Haasan (@ikamalhaasan) January 12, 2024